ອົງການພັດທະນາວິຊາຂໍ້ມູນຂ່າວສານເທສະໜ່ວຍໂລກ ແລະ ເຕັກນິກອະວະກາດໄທ ຫຼື GISTDA ເປີດເຜີຍເມື່ອມໍ່ໆມານີ້ວ່າ: ໄທກຽມສົ່ງຖົ່ວລຽນອົບແຫ້ງຂຶ້ນສູ່ອະວະກາດເປັນເວລາ 5 ນາທີ ໂດຍຜ່ານຍານອະວະກາດຂອງບໍລິສັດອາເມຣິກາ. ຫຼັງຈາກນັ້ນ, ນັກຄົ້ນຄວ້າຈະຄົ້ນຄວ້າວ່າ, ພາຍຫຼັງຂຶ້ນສູ່ອະວະກາດແລ້ວ, ເນື້ອຂອງຖົ່ວລຽນຈະເກີດມີການປ່ຽນແປງຫຼືບໍ່.
ໄທບໍ່ເຄີຍສົ່ງນັກບິນອະວະກາດຂຶ້ນສູ່ອະວະກາດ, ແຕ່ພວມຢາກສົ່ງອາຫານໄທຂຶ້ນສູ່ອະວະກາດ. ວັນທີ 1 ມິຖຸນານີ້, ສຳນັກຂ່າວ BBC ຂອງອັງກິດໄດ້ນຳເອົາຄວາມເວົ້າຂອງໂຄສົກ GISTDA ມາລາຍງານວ່າ, "ຈຸດປະສົງຂອງພວກເຮົາແມ່ນຢາກໃຫ້ນັກບິນອະວະກາດສາມາດກິນອາຫານໄທຢູ່ອະວະກາດ". ຖົ່ວລຽນເປັນຂັ້ນຕອນທຳອິດທີ່ໄທຢາກສົ່ງອາຫານໄທຂຶ້ນສູ່ອະວະກາດ. ຖ້າສຳເລັດຜົນແລ້ວ, ໄທຍັງກຽມຈະສົ່ງຜັດໝີ່ໄທ, ເຂົ້າໜຽວໝາກມ່ວງ ແລະ ອາຫານໄທອື່ນໆຂຶ້ນສູ່ອະວະກາດເຊັ່ນກັນ.