ຕາມຂ່າວ CRI: ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 6 ມິຖຸນານີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກ່າວວ່າ, ພາຍໃຕ້ສະຖານະການໃນປັດຈຸບັນ, ຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງກັບບັນຫານິວເຄຼຍອີຣານສາມາດເບິ່ງຈາກສະພາບລວມແລະຍາວໄກ, ສືບຕໍ່ຮັກສາແລະປະຕິບັດຕາມສັນຍາຮອບດ້ານກ່ຽວກັບບັນຫານິວເຄຼຍອີຣານ.
ຂ່າວແຈ້ງວ່າ, ຜູ້ນຳອີຣານກ່າວໃນຫວ່າງມໍ່ໆມານີ້ວ່າ, ອົງການພະລັງງານປະລະມານູອີຣານກຽມຈະຍົກສູງຄວາມສາມາດເສີມສະມັດຕະພາບຢູເລນຽມ. ອີຣານໄດ້ສົ່ງເອກະສານໃຫ້ອົງການພະລັງງານປະລະມານູສາກົນກ່ຽວກັບເລື່ອງນີ້ແລ້ວ. ໃນເວລາຕອບຄຳຖາມທີ່ກ່ຽວຂ້ອງ, ທ່ານນາງຮ້ວາຊຸ່ນຢິງກ່າວວ່າ,
"ພາຍໃຕ້ສະຖານະການໃນປັດຈຸບັນ, ຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງສາມາດເບິ່ງສະພາບລວມແລະຍາວໄກ, ສືບຕໍ່ຮັກສາແລະປະຕິບັດສັນຍາຮອບດ້ານ, ປະຕິບັດພັນທະຂອງຕົນທີ່ສັນຍາກຳນົດໄວ້ຢ່າງຮອບດ້ານແລະສົມດຸນ. ນີ້ມີຜົນດີຕໍ່ການຮັກສາລະບົບບໍ່ແຜ່ຂະຫຍາຍອາວຸດນິວເຄຼຍສາກົນແລະປົກປັກຮັກສາສັນຕິພາບແລະສະຖຽນລະພາບຂອງເຂດຕາເວັນອອກກາງ, ຊຶ່ງສອດຄ່ອງກັບຜົນປະໂຫຍດລວມຂອງປະຊາຄົມໂລກ."
 |
