ທ່ານສະເທເຟັນ ດຸຈາຣິກ ໂຄສົກເລຂາທິການໃຫຍ່ອົງການສະຫະປະຊາຊາດກ່າວໃນວັນທີ 6 ມິຖຸນານີ້ວ່າ, 2 ອົງການຈັດຕັ້ງທີ່ຂຶ້ນກັບອົງການສະຫະປະຊາຊາດໄດ້ເຊັນສັນຍາສະບັບໜຶ່ງທີ່ເປັນຂີດໝາຍກັບລັດຖະບານມຽນມາ, ໂດຍຫວັງວ່າຈະຊ່ວຍເຫຼືອຊາວຍົບພະຍົບໂຣຮິງຢາທີ່ອາໄສຢູ່ບັງກະລາເດັດກັບຄືນບ້ານເກີດ.
ບົດບັນທຶກຄວາມເຂົ້າໃຈສະບັບນີ້ທີ່ອົງການຂ້າຫຼວງໃຫຍ່ສະຫະປະຊາຊາດເພື່ອຊາວອົບພະຍົບ, ໂຄງການສະຫະປະຊາຊາດເພື່ອການພັດທະນາແລະລັດຖະບານມຽນມາຮ່ວມກັນລົງນາມ, ໄດ້ອະນຸມັດໃຫ້ສອງອົງການດັ່ງກ່າວເຂົ້າໄປໃນດິນແດນລັດຍະໄຂປະເທດມຽນມາ, ເພື່ອສຳຫຼວດບ່ອນພັກເກົ່າແລະຈຸດຊຸມຊົນທີ່ອາດເປັນໄປໄດ້ໃນອະນາຄົດ, ແລະປະຕິບັດວຽກງານອະນຸລັກທີ່ກ່ຽວຂ້ອງ. ສັນຍາສະບັບນີ້ຍັງໄດ້ອະນຸມັດໃຫ້ສອງອົງການດັ່ງກ່າວດຳເນີນການສຳຫຼວດແລະການປະເມີນຕໍ່ຈຸດຊຸມຊົນທີ່ໄດ້ຮັບຜົນກະທົບ, ແລະເພີ່ມທະວີຄວາມສາມາດຂອງອົງການປົກຄອງທ້ອງຖິ່ນນການສະໜັບສະໜູນຊາວອົບພະຍົບກັບຄືນສູ່ບ້ານເກີດດ້ວຍຕົນເອງ.
ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການໃນມື້ດຽວກັນ, ສະແດງຄວາມຊົມເຊີຍຕໍ່ການເຊັນສັນຍາດັ່ງກ່າວ.
 |
