ວັນທີ 6 ມິຖຸນານີ້, ທ່ານຢາງສຽວຕູ້ ກຳມະການກົມການເມືອງສູນກາງພັກກອມມູນິດຈີນ, ຮອງເລຂາທິການຄະນະກວດກາສູນກາງພັກ, ປະທານຄະນະກຳມະການກວດກາແຫ່ງຊາດຈີນໄດ້ພົບປະກັບພົນເອກວິທະວັດ ສີວິຫົກ ຜູ້ກວດກາງົບປະມານແຜ່ນດິນຂອງໄທຢູ່ນະຄອນຫຼວງປັກກິ່ງ.
ທ່ານຢາງສຽວຕູ້ກ່າວວ່າ: ພາຍໃຕ້ການນຳພາຢ່າງເດັດດ່ຽວຂອງພັກກອມມູນິດຈີນທີ່ຖືສະຫາຍທ່ານສີຈິ້ນຜິງເປັນໃຈກາງ ແລະການຊີ້ນຳຂອງແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ຄະນະກວດກາສູນກາງພັກກອມມູນິດຈີນ ແລະຄະນະກຳມະການກວດກາແຫ່ງຊາດຈີນກຳລັງຈັດຕັ້ງປະຕິບັດແຜນຍຸດທະສາດການຄຸ້ມຄອງພັກຢ່າງເຂັ້ມງວດ ແລະຕ້ານການສໍ້ລາດບັງຫຼວງຢ່າງຮອບດ້ານ ເພື່ອຮັບປະກັນການສ້າງສາເສດຖະກິດ-ສັງຄົມຂອງຈີນສືບຕໍ່ຂະຫຍາຍຕົວຢ່າງປອດໃສ. ຫວັງວ່າຈີນ ແລະໄທຈະລົງເລິກການຮ່ວມມືຕ້ານການສໍ້ລາດບັງຫຼວງ, ສົ່ງເສີມສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ໄທເຮັດໃຫ້ການພັດທະນາດີຂຶ້ນກວ່າເກົ່າ.
ທ່ານວິທະວັດກ່າວວ່າ: ຍິນດີເພີ່ມທະວີການຖອດຖອນບົດຮຽນຮ່ວມກັນກັບຈີນ ເພື່ອຕ້ານການສໍ້ລາດບັງຫຼວງຮ່ວມກັນ.
 |
