ວັນທີ 6 ມິຖຸນານີ້, ອົງການປະສານງານໄພພິບັດທຳມະຊາດແຫ່ງຊາດກົວເຕມາລາຢືນຢັນວ່າ: ພູໄຟດີຟູໂກໄດ້ປະທຸແຕ່ວັນທີ 3 ມິຖຸນານີ້ ເຊິ່ງໄດ້ເຮັດໃຫ້ປະຊາຊົນ 75 ຄົນເສຍຊີວິດ ແລະ 192 ຄົນຫາຍສາບສູນ.
ເຈົ້າໜ້າທີ່ອົງການດັ່ງກ່າວໄດ້ກ່າວວ່າ: ການປະທຸຂອງພູໄຟດີຟູໂກເທື່ອນີ້ມີຄວາມຮຸນແຮງຜິດປົກກະຕິ, ສິ່ງທີ່ປະທຸອອກມາໄດ້ທຳລາຍຊີວິດ ແລະຊັບສິນຢູ່ທາງໄຫລຂອງລາວາ, ຈົນບໍ່ສາມາດລະບຸຕົວຕົນຂອງຜູ້ເສຍຊີວິດ ແລະມີຄວາມຫຍຸ້ງຍາກໃນການຄົ້ນຫາຜູ້ຫາຍສາບສູນ. ເວັບໄຊທາງການຂອງອົງການໄດ້ປະກາດຖະແຫຼງການ ໂດຍຫວັງວ່າປະຊາຊົນຈະສົ່ງຂໍ້ມູນລະອຽດຂອງຜູ້ຫາຍສາບສູນໃຫ້ລັດຖະບານ.
 |
