ສິ່ງກໍ່ສ້າງສູນຂ່າວຂອງກອງປະຊຸມສຸດຍອດອົງການຮ່ວມມືຊຽງໄຮ້ຊິ່ງຕາວມີເນື້ອທີ່ທັງໝົດປະມານ 3 ໝື່ນ 5 ພັນຕາແມັດ, ເຂດນັກຂ່າວມີເນື້ອທີ່ 1 ໝື່ນ 500 ຕາແມັດ, ສາມາດສະໜອງການບໍລິການໃຫ້ແກ່ນັກຂ່າວທີ່ຂຶ້ນທະບຽນເກືອບ 3000 ຄົນ. ຜູ້ຮັບຜິດຊອບຂອງສູນຂ່າວແນະນຳໃຫ້ຮູ້ວ່າ: ສູນຂ່າວນີ້ມີເອກະລັກທີ່ອະນຸລັກສິ່ງແວດລ້ອມ ມີເຕັກນິກສູງແລະອື່ນໆ. ສິ່ງທີ່ສຸມສາຍຕາທີ່ສຸດໃນສູນຂ່າວກໍ່ແມ່ນໄດ້ນຳໃຊ້ຄົນຈັກຫຼາຍຊະນິດ ເຊິ່ງລວມທັງຄົນຈັກຕ້ອນຮັບແຂກ ຄົນຈັກປ້ອງກັນຄວາມປອດໄພ ຄົນຈັກໃຫ້ຄຳປຶກສາ ແລະຄົນຈັກຂົນສົ່ງ. ການອະນຸລັກສິ່ງແວດລ້ອມແມ່ນເອກະລັກອີກອັນໜຶ່ງຂອງສູນຂ່າວ, ຝາທັງໝົດໃນສູນລ້ວນແຕ່ຜະລິດຕາມຄວາມຕ້ອງການ, ໃນເວລາຕິດຕັ້ງປະກອບບໍ່ມີຂີ້ຝຸ່ນ ອາຍພິດແລະສິ່ງເສດເຫຼືອ.
