ສະຖານີວິທະຍຸ-ໂທລະພາບສູນກາງຈີນ ແລະ ໂທລະພາບແຫ່ງຊາດອິນໂດເນເຊຍ ໄດ້ລົງນາມໃນສັນຍາຮ່ວມມືການອອກອາກາດ "ໂຮງລະຄອນຈີນ" ໃນວັນທີ 7 ມິຖຸນານີ້ ຢູ່ນະຄອນຫຼວງຈາກາຕາ ແລະ ອີງຕາມສັນຍາດັ່ງກ່າວ, ໂທລະພາບແຫ່ງຊາດອິນໂດເນເຊຍຈະອອກອາກາດລະຄອນໂທລະພາບຈີນເລື່ອງ "ຂົນໄກ່ປິວຂຶ້ນຟ້າ" ແລະໂທລະພາບກາຕູນເລື່ອງ "ໝີແພນດາຈີນ" ເຊິ່ງແມ່ນສະຖານີວິທະຍຸ-ໂທລະພາບສູນກາງຈີນພາກເປັນພາສາອິນໂດເນເຊຍ.
ທ່ານໂຈ່ວປິ່ນ ທີ່ປຶກສາດ້ານວັດທະນະທຳສະຖານທູດຈີນປະຈຳອິນໂດເນເຊຍ, ທ່ານຫູມູ້ ຫົວໜ້າຄະນະຜູ້ແທນສະຖານີວິທະຍຸ-ໂທລະພາບສູນກາງຈີນ, ທ່ານເຮນມີ ຢາຢາ ຜູ້ອຳນວຍການໃຫຍ່ໂທລະພາບແຫ່ງຊາດອິນໂດເນເຊຍ ແລະ ທ່ານອານ ບູຊີຣາ ບັສເນີ ຫົວໜ້າກົມການຂ່າວແລະການຕ່າງປະເທດເພື່ອປະຊາຊົນ ກະຊວງການຕ່າງປະເທດອິນໂດເນເຊຍ ພ້ອມດ້ວຍຜູ້ແທນສື່ມວນຊົນຈີນ ແລະອິນໂດເນເຊຍ ທັງໝົດ 50 ກວ່າທ່ານເຂົ້າຮ່ວມພິທີລົງນາມສັນຍາດັ່ງກ່າວ.
