ວັນທີ 7 ມິຖຸນານີ້, ທ່ານຫຼີເຄິ້ສຽງ ນາຍົກລັດຖະມົນຕີຈີນໄດ້ສົ່ງໂທລະເລກຊົມເຊີຍທ່ານກູແຊເພ ກົນເຕີທີ່ໄດ້ດຳລົງຕຳແໜ່ງເປັນນາຍົກລັດຖະມົນຕີອີຕາລີ.
ທ່ານຫຼີເຄິ້ສຽງກ່າວວ່າ: ຊຸມປີຜ່ານມາ, ສາຍພົວພັນຈີນ-ອີຕາລີມີທ່າແຮງການພັດທະນາທີ່ດີ, ຄວາມໄວ້ເນື້ອເຊື່ອໃຈກັນທາງການເມືອງຂອງສອງປະເທດລົງເລິກຢ່າງບໍ່ຢຸດຢັ້ງ, ການແລກປ່ຽນ ແລະການຮ່ວມມືດ້ານເສດຖະກິດ-ການຄ້າ, ການລົງທຶນ, ການປະດິດສ້າງໃໝ່ດ້ານເຕັກນິກວິທະຍາສາດ, ການສຶກສາວັດທະນະທຳ ແລະຂົງເຂດອື່ນໆກໍໄດ້ຮັບໝາກຜົນອັນໃຫຍ່ຫຼວງ ແລະສົ່ງຜົນດີຕໍ່ປະຊາຊົນສອງປະເທດ. ລັດຖະບານຈີນເອົາໃຈໃສ່ຢ່າງສູງຕໍ່ການພັດທະນາສາຍພົວພັນກັບອີຕາລີ, ຍິນດີໃຊ້ຄວາມພະຍາຍາມຮ່ວມກັນກັບລັດຖະບານອີຕາລີຊຸດໃໝ່, ປັບປຸງໄມຕີຈິດມິດຕະພາບທີ່ເປັນມູນເຊື້ອ, ເຮັດໃຫ້ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ເຊື່ອມໂຍງກັບຍຸດທະສາດການພັດທະນາຂອງອີຕາລີ, ເພີ່ມທະວີການເຈລະຈາດ້ານນະໂຍບາຍ, ລົງເລິກການຮ່ວມຕົວຈິງ ເພື່ອຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ອີຕາລີສືບຕໍ່ພັດທະນາໃຫ້ດີຂຶ້ນກວ່າເກົ່າ.
 |
