ວັນທີ 7 ມິຖຸນານີ້, ທ່ານໂອເປິດ ມູພໍຟູ ລັດຖະມົນຕີກະຊວງພາຍໃນຊິມບັບເວປະກາດວ່າ: ນັບແຕ່ວັນທີ 1 ກໍລະກົດນີ້ເປັນຕົ້ນໄປ, ນັກທ່ອງທ່ຽວຈີນທີ່ທ່ຽວຊົມຢູ່ຊິມບັບເວ, ບໍ່ວ່າເດີນທາງແບບຄະນະ ຫຼື ແບບບຸກຄົນ ກໍສາມາດໄດ້ວີຊາກັບດ່ານ. ທ່ານສະແດງຄວາມເຊື່ອວ່າ ນະໂຍບາຍນີ້ຈະມີຜົນດີຕໍ່ປະຊາຊົນສອງຊາດ.
ປັດຈະບັນນີ້, ນັກທ່ອງທ່ຽວຈີນຕ້ອງເຂົ້າໄປເປັນກຸ່ມທ່ອງທ່ຽວຈຶ່ງສາມາດໄປທ່ຽວຢູ່ຊິມບັບເວໄດ້ ແລະບໍລິສັດທ່ອງທ່ຽວຈີນຕ້ອງໄດ້ຮັບອະນຸຍາດຈາກຝ່າຍຊິມບັບເວສາກ່ອນຈຶ່ງສາມາດຮັບວີຊາກັບດ່ານໄດ້. ຖ້າບໍ່ດັ່ງນັ້ນ, ຈະຕ້ອງຂໍວີຊາຊິມບັບເວພາຍໃນປະເທດຈີນແບບເມື່ອກ່ອນ. ທ່ານຮວາງພີງ ເອກອັກຄະລັດຖະທູດຈີນປະຈຳຊິມບັບເວກ່າວວ່າ: ນະໂຍບາຍວີຊາໃໝ່ຈະດຶງດູດນັກທ່ອງທ່ຽວ ແລະຜູ້ລົງທຶນຈາກຈີນຫຼາຍກວ່າເກົ່າ ເຊິ່ງຈະສົ່ງເສີມການພັດທະນາຂອງຊິມບັບເວ.
 |
