ວັນທີ 6 ມິຖຸນານີ້, ຢູ່ນະຄອນຫຼວງປັກກິ່ງ, ທ່ານຊຽວເຈ໋ຍ ທີ່ປຶກສາແຫ່ງລັດ ທັງເປັນເລຂາທິການໃຫຍ່ລັດຖະບານຈີນໄດ້ພົບປະກັບທ່ານແຮງສະວີກີດ ລັດຖະມົນຕີກະຊວງການເງິນສິງກະໂປ.
ທ່ານຊຽວເຈ໋ຍໄດ້ຕີລາຄາສູງຕໍ່ການຂະຫຍາຍຕົວຂອງການພົວພັນລະຫວ່າງສອງປະເທດຈີນ-ສິງກະໂປ ໂດຍກ່າວວ່າ, ສອງຝ່າຍຄວນອີງຕາມຄວາມເຫັນເປັນເອກະພາບກັນລະຫວ່າງຜູ້ນຳສອງປະເທດ, ຮ່ວມກັນເພີ່ມທະວີການຮ່ວມມືໃນ 3 ດ້ານ ຄື ການເຊື່ອມຈອດກັນ, ເປັນເສົາຄ້ຳດ້ານການທະນາຄານ ແລະ ການຮ່ວມມື 3 ຝ່າຍ ພາຍໃຕ້ຂອບ "ໜຶ່ງແລວໜຶ່ງເສັ້ນທາງ" ເພື່ອເພີ່ມກຳລັງຊຸກດັນໃໝ່ໃຫ້ແກ່ການພົວພັນລະຫວ່າງສອງຝ່າຍ ແລະ ການຮ່ວມມືພາກພື້ນ.
ທ່ານແຮງສະວີກີດ ກ່າວວ່າ, ສິງກະໂປຍິນດີເພີ່ມທະວີການເຊື່ອມຕໍ່ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ", ລົງເລິກການແລກປ່ຽນດ້ານນະໂຍບາຍກັບຈີນ, ຊຸກຍູ້ການເຊື່ອມຕໍ່ດ້ານສິ່ງກໍ່ສ້າງ, ດ້ານການຄ້າ ແລະ ດ້ານທຶນຮອນ ເພື່ອຮ່ວມກັນຊຸກຍູ້ການພັດທະນາຂອງພາກພື້ນ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບການປັບປຸງສະພາບແວດລ້ອມທຸລະກິດການຄ້າໃຫ້ດີຂຶ້ນ. ທ່ານຊຽວເຈ໋ຍຍັງໄດ້ແຈ້ງໃຫ້ຮູ້ກ່ຽວກັບນະໂຍບາຍແລະມາດຕະການທີ່ລັດຖະບານຈີນປະຕິບັດໃນດ້ານນີ້ໃນໄລຍະມໍ່ໆມານີ້.
 |
