ທ່ານສີຈິ້ນຜິງກ່າວວ່າ:ກອງປະຊຸມສຸດຍອດອົງການຮ່ວມມືຊຽງໄຮຊິ່ງຕາວມີຄວາມໝາຍຄັ້ງປະຫວັດສາດ
2018-06-10 10:02:32 cri
ວັນທີ 10 ມິຖຸນານີ້, ທ່ານສີຈິ້ນຜິງ ປະທານປະເທດແຫ່ງ ສປ ຈີນຢືນຢັນວ່າ: ກອງປະຊຸມສຸດຍອດຊິ່ງຕາວເປັນກອງປະຊຸມສຸດຍອດຄັ້ງທຳອິດຂອງອົງການຮ່ວມມືຊຽງໄຮພາຍຫຼັງທີ່ຂະຫຍາຍຕົວ ໂດຍຜູ້ນຳປະເທດສະມາຊິກທັງໝົດ 8 ປະເທດເຂົ້າຮ່ວມ ເຊິ່ງມີຄວາມໝາຍສຳຄັນຄັ້ງປະຫວັດສາດ. ໄປຄຽງຄູ່ກັບກຳລັງຂອງອົງການຮ່ວມມືຊຽງໄຮເຕີບໂຕຂຶ້ນຕື່ມ, ປະຊາຊົນບັນດາປະເທດໃນພາກພື້ນແລະປະຊາຄົມໂລກມີຄວາມສົນໃຈແລະຄວາມຄອງຄອຍນັບມື້ຫຼາຍຂຶ້ນ, ອົງການຮ່ວມມືຊຽງໄຮໄດ້ແບກຫາບຄວາມຮັບຜິດຊອບນັບມື້ນັບຫຼາຍຂຶ້ນໃນການຮັກສາຄວາມໝັ້ນຄົງ,ສະຖຽນລະພາບແລະສົ່ງເສີມການພັດທະນາແລະຄວາມຈະເລີນຮຸ່ງເຮືອງຂອງພາກພື້ນ. ຈີນຍິນດີຮ່ວມກັບບັນດາປະເທດສະມາຊິກຖືກອງປະຊຸມຄັ້ງນີ້ເປັນໂອກາດທີ່ດີ, ຖອດຖອນບົດຮຽນການພັດທະນາ, ວິເຄາະສະຖານະການໃນສາກົນແລະພາກພື້ນ, ສ້າງແຜນການຮ່ວມມືໃນອານາຄົດ ແລະຊຸກຍູ້ອົງການຮ່ວມມືຊຽງໄຮໃຫ້ຂະຫຍາຍຕົວກ້າວໄປໜ້າຢ່າງໝັ້ນທ່ຽງ.
