ທ່ານສີຈິ້ນຜິງ: ຕ້ອງຮັບຮູ້ແລະກຳກັບສະຖານະການລວມຂອງໂລກແລະກະແສແຫ່ງຍຸກສະໄໝຢ່າງຖືກຕ້ອງ
2018-06-10 12:07:27 cri
ໃນກອງປະຊຸມສຸດຍອດຊິ່ງຕາວຂອງອົງການຮ່ວມມືຊຽງໄຮ້ທີ່ໄຂຂຶ້ນໃນວັນທີ 10 ມິຖຸນານີ້, ທ່ານສີຈິ້ນຜິງ ປະທານປະເທດ ສປ ຈີນເນັ້ນວ່າ, ຕ້ອງຮັບຮູ້ແລະກຳກັບສະຖານະການລວມແຫ່ງໂລກແລະກະແສຂອງຍຸກສະໄໝຢ່າງຖືກຕ້ອງ ໂດຍກ່າວວ່າ, ເຖິງວ່າໃນໂລກປັດຈຸບັນ, ຍັງມີລັດທິເຈົ້າອຳນາດແລະການເມືອງມະຫາອຳນາດຊົງຕົວຢູ່ກໍ່ຕາມ, ແຕ່ພວກເຮົາບໍ່ຄວນປະໝາດຫາງສຽງທີ່ຊຸກຍູ້ໃຫ້ລະບຽບການສາກົນຂະຫຍາຍໄປສູ່ຄວາມຍຸດຕິທຳແລະສົມເຫດສົມຜົນ, ການພົວພັນສາກົນຫັນເປັນປະຊາທິປະໄຕໄດ້ກາຍເປັນກະແສແຫ່ງຍຸກສະໄໝທີ່ຫຼີກລ່ຽງບໍ່ໄດ້; ເຖິງວ່າການຂົ່ມຂູ່ຈາກຂົງເຂດດັ້ງເດີມແລະຂົງເຂດທີ່ບໍ່ແມ່ນດັ້ງເດີມໄດ້ເກີດຂຶ້ນເລື້ອຍໆກໍ່ຕຈາມ, ແຕ່ກຳລັງທີ່ປົກປັກຮັກສາສັນຕິພາບຍ່ອມຈະເອົາຊະນະກຳລັງທີ່ທຳລາຍສັນຕິພາບ, ຄວາມໝັ້ນຄົງແລະສະຖຽນລະພາບເປັນສິ່ງທີ່ຄົນເຮົາປາຖະນາຫາ; ເຖິງວ່າລັດທິຝ່າຍດຽວ, ລັດທິປົກປ້ອງການຄ້າ, ແນວຄິດທີ່ຝືນກັບຂະບວນໂລກາພິວັດເກີດຂຶ້ນເລື້ອຍໆ, ແຕ່ໜ່ວຍໂລກທີ່ເໝືອນດັ່ງບ້ານແຫ່ງໜຶ່ງນັ້ນໄດ້ຕົກລົງແລ້ວວ່າຜົນປະໂຫຍດຂອງປະເທດຕ່າງໆນັບມື້ນັບເຊື່ອມໂຍງເຂົ້າກັນ, ມີຊາຕາກຳເຊື່ອມຈອດກັນ, ການຮ່ວມມືແລະໄດ້ຮັບຜົນປະໂຫຍດຮ່ວມກັນແມ່ນທ່າອຽງທີ່ຕ້ອງເປັນໄປ; ເຖິງວ່າ ການປະທະກັນດ້ານວັດທະນະທຳແລະແນວຄິດອື່ນໆມັກຈະປາກົດຕົວອອກເປັນຄັ້ງຄາວກໍ່ຕາມ, ແຕ່ຄວາມຫຼາກຫຼາຍດ້ານວັດທະນະທຳແມ່ນພະລັງແຮງທີ່ບໍ່ສິ້ນສຸດທີ່ພາໃຫ້ມວນມະນຸດກ້າວໄປໜ້າເລື້ອຍໆ, ວັດທະນະທຳທີ່ຕ່າງກັນແລກປ່ຽນແລະຕ່າງຖອດຖອນເຊິ່ງກັນແລະກັນແມ່ນຄວາມປາຖະໜາຮ່ວມຂອງປະຊາຊົນປະເທດຕ່າງໆໃນໂລກນີ້.
