ທ່ານສີຈິ້ນຜິງວາງ 5 ຂໍ້ສະເໜີເພື່ອສ້າງປະຊາຄົມຮ່ວມຊາຕາກຳຂອງອົງການຮ່ວມມືຊຽງໄຮ້
2018-06-10 12:09:45 cri
ໃນກອງປະຊຸມສຸດຍອດຊິ່ງຕາວຂອງອົງການຮ່ວມມືຊຽງໄຮ້ໃນວັນທີ 10 ມິຖຸນາ 2018 ນີ້ ທ່ານສີຈິ້ນຜິງ ປະທານປະເທດ ສປ ຈີນໄດ້ກ່າວຕໍ່ບັນດາປະມຸກລັດປະເທດສະມາຊິກອົງການຮ່ວມມືຊຽງໄຮ້ວ່າ, ຄວນສ້າງເປັນປະຊາຄົມຮ່ວມຊາຕາກຳຂອງອົງການຮ່ວມມຊຽງໄຮ້, ເພື່ອຊຸກຍູ້ການສ້າງເປັນການພົວພັນສາກົນແບບໃໝ່. ໂດຍທ່ານໄດ້ວາງ 5 ຂໍ້ສະເໜີອອກຄືດັ່ງນີ້: ຂໍ້ທີ 1 ຕ້ອງເຕົ້າໂຮມກຳລັງທີ່ແຂງແຮງແຫ່ງຄວາມສາມັກຄີແລະໄວ້ເນື້ອເຊື່ອໃຈເຊິ່ງກັນແລະກັນ, ຜັນຂະຫຍາຍເນື້ອໃນຈິດໃຈຂອງເອກະສານຕ່າງໆຢ່າງຮອບດ້ານເຊັ່ນ: ຖະແຫຼງການຊິ່ງດາວ, ໂຄງການດຳເນີນງານກ່ຽວກັບສັນຍາມິດຕະພາບແລະການຮ່ວມມືຖານບ້ານໃກ້ເຮືອນຄຽງເປັນໄລຍະຍາວນານ ແລະເອກະສານອື່ນໆ, ເພີ່ມທະວີກຳລັງເຕົ້າໂຮມແລະເປັນຈິດໜຶ່ງໃຈດຽວກັນຂອງອົງການຮ່ວມມືຊຽງໄຮ້ໂດຍຜ່ານການຄິດຕາງໝູ່,ສະແຫວງຫາອັນທີ່ຄືກັນແລະສະຫງວດສິ່ງທີ່ຕ່າງກັນ; ຂໍ້ທີ 2 ແມ່ນຕັ້ງໜ້າຜັນຂະຫຍາຍໂຄງການຮ່ວມມືແຕ່ປີ 2019-2020 ເພື່ອໂຈມຕີອິດທິກຳລັງຮຸນແຮງຊົນຊາດ, ອິດທິກຳລັງຮຸນແຮງແບ່ງແຍກຊາດແລະອິດທິກຳລັງກໍ່ການຮ້າຍສາກົນ,ເພີ່ມທະວີການຮ່ວມມືໃນດ້ານການປ້ອງກັນ, ການປະຕິບັດກົດໝາຍແລະຄວາມປອດໄພດ້ານຂໍ້ມູນຂ່າວສານ, ສ້າງພື້ນຖານຮ່ວມທີ່ມີສັນຕິພາບແລະຄວາມໝັ້ນຄົງ; ຂໍ້ທີ 3 ແມ່ນຕ້ອງຊຸກຍູ້ການເຊື່ອມຈອດດ້ານຍຸດທະສາດການພັດທະນາ, ສ້າງເປັນກຳລັງອັນແຂງແກ່ນເພື່ອພັດທະນາຮ່ວມກັນຢ່າງຈະເລີນຮຸ່ງເຮືອງ; ຂໍ້ທີ 4 ຮັດແໜ້ນສາຍພົວພັນຮ່ວມແຫ່ງການແລກປ່ຽນແລະຮ່ວມມືດ້ານບຸກຄະລາກອນແລະວັດທະນະທຳ; ຂໍ້ທີ 5 ແມ່ນຮ່ວມກັນສ້າງເປັນເຄືອຂ່າຍຄູ່ຮ່ວມມືສາກົນ.
