ທ່ານສີຈິ້ນຜິງ: ກອງປະຊຸມສຸດຍອດຊິ່ງຕາວຂອງອົງການຮ່ວມມຊຽງໄຮບັນລຸຄວາມເປັນເອກະພາບກັນຢ່າງກວ້າງຂວາງ
2018-06-10 15:20:42 cri
ທ່ານສີຈິ້ນຜິງ ປະທານປະເທດຈີນແລະປະມຸກລັດບັນດາປະເທດສະມາຊິກອົງການຮ່ວມມືຊຽງໄຮໄດ້ເຂົ້າຮ່ວມພິທີຖະແຫຼງຂ່າວໃນວັນທີ 10 ມິຖຸນານີ້, ທ່ານສີຈິ້ນຜິງ ກ່າວວ່າ, ຜູ້ນຳຂອງບັນດາປະເທດສະມາຊິກອົງການຮ່ວມມືຊຽງໄຮ, ປະເທດສັງເກດການກໍ່ຄືຜູ້ຮັບຜິດຊອບຂອງອົງການຈັດຕັ້ງສາກົນແລະພາກພື້ນໄດ້ແລກປ່ຽນຄຳເຫັນຢ່າງເລິກເຊິ່ງກ່ຽວກັບບັນຫາສາກົນແລະພາກພື້ນ, ແລະໄດ້ບັນລຸຄວາມເປັນເອກະພາບກັນຢ່າງກວ້າງຂວາງ. ຜູ້ນຳບັນດາປະເທດໄດ້ຢືນຢັນຢ່າງເຕັມສ່ວນຕໍ່ຄວາມຄືບໜ້າໃໝ່ທີ່ອົງການຮ່ວມມືຊຽງໄຮໄດ້ຮັບພາຍຫຼຼັງອິນເດຍແລະປາກີສະຖານເຂົ້າເປັນສະມາຊິກ, ແລະໄດ້ອອກ "ຖະແຫຼງການຊິ່ງຕາວກ່ຽວກັບສະພາມົນຕີປະມຸກລັດປະເທດສະມາຊິກອົງການຮ່ວມມືຊຽງໄຮ","ຖະແຫຼງການຮ່ວມຂອງປະມຸກລັດປະເທດສະມາຊິກອົງການຮ່ວມມືຊຽງໄຮກ່ຽວກັບການໃຫ້ການຄ້າມີຄວາມສະດວກຍິ່ງຂຶ້ນ"ແລະເອກະສານອື່ນໆ, ແລະໄດ້ອະນຸມັດແຜນການດຳເນີນງານໃນ 5 ປີຕໍ່ໜ້ານີ້ກ່ຽວກັບ"ສົນທິສັນຍາວ່າດ້ວຍມິດຕະພາບແລະການຮ່ວມມືຖານບ້ານໃກ້ເຮືອນຄຽງ ໄລຍະຍາວນານລະຫວ່າງປະເທດສະມາຊິກອົງການຮ່ວມມືຊຽງໄຮ".
