ຫຼັງຈາກປິດກອງປະຊຸມສຸດຍອດຊິ່ງຕາວຂອງອົງການຮ່ວມມືຊຽງໄຮໃນວັນທີ 10 ມິຖຸນານີ້ແລ້ວ, ທ່ານສີຈິ້ນຜິງ ທານປະເທດ ສປ ຈີນພ້ອມກັບທຸກຝ່າຍທີ່ຮ່ວມປະຊຸມເປັນເອກະສັນກັນເຫັນວ່າ, ໂລກຊູ່ມື້ນີ້ພວມຢູ່ໃນໄລຍະທີ່ພັດທະນາປະຕິຮູບແລະປ່ຽນແປງຢ່າງໃຫຍ່, ລະຫວ່າງປະເທດກັບປະເທດມີຄວາມອີງອາໃສເຊິ່ງກັນແລະກັນຢ່າງແໜ້ນແຟ້ນກວ່າເກົ່າ, ການຟື້ນຕົວຂອງເສດຖະກິດໂລກປະສົບຄວາມຫຍຸ້ງຍາກຕ່າງໆ, ເກີດບັນຫາສາກົນແລະພາກພື້ນຂຶ້ນເລື້ອຍໆ, ເຊິ່ງບໍ່ມີປະເທດໃດສາມາດຮັບມືກັບບັນຫາເຫຼົ່ານີ້ດ້ວຍຕົນເອງ ຫຼືໃຫ້ປະເທດຕົນປາສະຈາກຜົນກະທົບຈາກບັນຫາເຫຼົ່ານັ້ນໄດ້. ປະເທດຕ່າງໆມີແຕ່ເພີ່ມທະວີຄວາມສາມັກຄີແລະປະສານສົມທົບ, ລົງເລິກການພົວພັນຄູ່ຮ່ວມທີ່ມີສັນຕິພາບ, ຮ່ວມມືກັນ, ປະຕິບັດຕໍ່ກັນຢ່າງສະເໝີພາບກັນ, ເປີດກວ້າງແລະກວມລວມ ໄດ້ຮັບຜົນປະໂຫຍດຮ່ວມກັນແລະຊົມໃຊ້ຮ່ວມກັນ ຈິ່ງສາມາດບັນລຸສະຖຽນລະພາບແລະການພັດທະນາແບບຍືນຍົງໄດ້.
 |
