ຕາມຂ່າວCRI: ວັນທີ 26 ພະຈິກນີ້, ການພົບປະລະຫວ່າງຜູ້ນຳຈີນ - ປະເທດເອີຣົບກາງແລະຕາເວັນອອກແລະພິທີໄຂເວທີປຶກສາຫາລືເສດຖະກິດການຄ້າລະຫວ່າງຈີນ - ປະເທດເອີຣົບກາງຕາເວັນອອກຄັ້ງທີ 3 ໄດ້ໄຂຂຶ້ນຢູ່ນະຄອນຫຼວງບູກາແຣັດຂອງຣູມານີ, ທ່ານຫຼີເຄີ້ສຽງ, ນາຍົກລັດຖະມົນຕີຈີນຈະເຂົ້າຮ່ວມສອງກອງປະຊຸມສອງນີ້. ທ່ານກ່າວວ່າ, ຄອງຄອຍການຮ່ວມກັບຜູ້ນຳຕ່າງໆຂອງ 16 ປະເທດເພື່ອປຶກສາຫາລືກ່ຽວກັບການຮ່ວມມືໃນທຸກຂົງເຂດໃນໄລຍະຕໍ່ໜ້ານີ້, ແລະທຳການແລກປ່ຽນຢ່າງເລິກເຊິ່ງກັບບຸກຄົນຂອງວົງການຕ່າງໆ.
ທ່ານຫຼີເຄີ້ສຽງກັບທ່ານວິຄໂທ ວີໂອເລ ໂພນທາ, ນາຍົກລັດຖະມົນຕີຣູມານີໄດ້ຈັດການພົບປະເຈລະຈາຢ່າງເປັນທາງການຢູ່ນະຄອນຫຼວງບູກາແຣັດ, ແລະໄດ້ພົບປະກັບນາຍົກລັດຖະມົນຕີຂອງບົສນີເຮີເຊໂກວິນາ, ໂກຼອາຊີ, ລີຕົວນີແລະປະເທດອື່ນໆທັງໝົດ 6 ປະເທດ.
ໃນມື້ດຽວກັນ, ນາຍົກລັດຖະມົນຕີຂອງຈີນ, ຮົງກາລີແລະແຊັກບີປະກາດຮ່ວມກັນວ່າ, ຈະຮ່ວມມືກໍ່ສ້າງທາງລົດໄຟຮົງກາລີແຊັກບີທີ່ເຮັດໃຫ້ນະຄອນຫຼວງແບນກຼາດຂອງແຊັກບີຕິດຕໍ່ກັບນະຄອນຫຼວງບູດາແປັດສ໌, ແລະສ້າງໜ່ວຍງານຮ່ວມເພື່ອປະຕິບັດແລະຊຸກຍູ້ວຽກງານໃນດ້ານນີ້.
