ວັນທີ 4 ກຸມພານີ້ ຄືວັນທີ 5 ເດືອນຈຽນຕາມຈັນທະຄະຕິຈີນ, ເມືອງປົກຄອງຕົນເອງເຜົ່າຕົ້ງຊານຈ່ຽງເຂດກວາງຊີທີ່ເປັນ "ບ້ານເຜົ່າຕົ້ງຂອງຈີນ" ໄດ້ຈັດ"ງານລ້ຽງຮ້ອຍຄອບຄົວ"ທີ່ມີເອກະລັກພິເສດຂອງເຜົ່າຕົ້ງ ເຊິ່ງໄດ້ດຶງດູດນັກທ່ອງທ່ອງພາຍໃນແລະຕ່າງປະເທດມາສໍາຜັດບຸນກຸດຈີນທີ່ມີເອກະລັກພິເສດ.
"ງານລ້ຽງຮ້ອຍຄອບຄົວ"ແມ່ນປະເພນີການກິນດື່ມແບບພິເສດຂອງເຜົ່າຕົ້ງ, ກໍເອີ້ນວ່າ"ງານລ້ຽງລວມໝູ່"ຫລື"ງານລ້ຽງໂຕະຍາວ", ແມ່ນງານລ້ຽງຕ້ອນຮັບແຂກລວມໝູ່ຂອງເຜົ່າຕົ້ງ, ແມ່ນພິທີສູງສຸດໃນການຕ້ອນຮັບແຂກຂອງເຜົ່າຕົ້ງ. "ງານລ້ຽງຮ້ອຍຄອບຄົວ"ຈັດຂຶ້ນໃນບຸນທີ່ສໍາຄັນ, "ງານລ້ຽງຮ້ອຍຄອບຄົວ"ທີ່ຈັດຂຶ້ນໃນບຸນກຸດຈີນຄຶກຄື້ນທີ່ສຸດ. ໃນເມືອງຊານຈ່ຽງ, ປະຊາຊົນເຜົ່າຕົ້ງໄດ້ເຮັດໃຫ້"ງານລ້ຽງຮ້ອຍຄອບຄົວ"ມີຊື່ສຽງໃນດ້ານການທ່ອງທ່ຽວ ແລະກາຍເປັນຈຸດເດັ່ນໃນການເພີ່ມລາຍໄດ້ຂອງຊາວກະສິກອນ, ມາຮອດປັດຈຸບັນ, ໄດ້ຕ້ອນຮັບນັກທ່ອງທ່ຽວທີ່ມາຈາກຫລາຍທ້ອງຖິ່ນພາຍໃນປະເທດຈີນ ແລະນັກທ່ອງທ່ຽວທີ່ມາຈາກຕ່າງປະເທດ ເຊັ່ນ ຝຣັ່ງ, ຍີ່ປຸ່ນ, ໄທ, ມາເລເຊຍ, ອິນເດຍ ແລະອື່ນໆ.