ແຕ່ວັນທີ 17 ເມສາຫາວັນທີ 29 ເມສາປີ1959, ກອງປະຊຸມຄະນະກຳມະການທົ່ວປະເທດຂອງສະພາປຶກສາການເມືອງແຫ່ງຊາດຈີນຄັ້ງທີ 1 ສະໄໝທີ 3 ໄດ້ຈັດຂຶ້ນຢູ່ປັກກິ່ງ. ກຳມະການສະພາປຶກສາການເມືອງແຫ່ງຊາດຈີນທີ່ເຂົ້າຮ່ວມກອງປະຊຸມເທື່ອນີ້ໄດ້ນັ່ງຟັງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 1 ສະໄໝທີ 2, ໄດ້ຟັງບົດລາຍງານວຽກງານຂອງລັດຖະບານແລະເຂົ້າຮ່ວມການປຶກສາຫາລື. ຫຼັງຈາກນັ້ນ, ກຳມະການສະພາປຶກສາການເມືອງແຫ່ງຊາດຈີນເລີ່ມນັ່ງຟັງກອງປະຊຸມສະພາປະຊາຊົນແຫ່ງຊາດຈີນ.
ປີ 1966, ການວຸ້ນວາຍສີບປີໄດ້ີເລີ່ມຕົ້ນ, ວຽກງານຂອງສະພາປຶກສາການເມືອງໄດ້ຢຸດຕິ. ເດືອນກໍລະກົດປີ 1975, ກອງປະຊຸມສະພາປະຊາຊົນແຫ່ງຊາດຈີນສະໄໝທີ 4 ໄດ້ຈັດຂຶ້ນຢູ່ປັກກິ່ງ, ໃນເວລານັ້ນສູນກາງພັກກອມມູນິດຈີນແລະທ່ານປະທານ ເມົາເຈີຕຸງຕົກລົງຈັດກອງປະຊຸມສະພາປຶກສາການເມືອງສະໄໝທີ 5 ໂດຍໄວ, ແຕ່ຖືກ"ກຸ່ມສີ່ຄົນ"ທຳລາຍ , ກອງປະຊຸມຈິ່ງບໍ່ໄດ້ຈັດຂຶ້ນ.
ເມື່ອມາຮອດປີ 1978, ສະພາປຶກສາການເມືອງທີ່ຢຸດຕິການເ່ອນໄຫວເປັນເວລາ 13ປີນັ້ນເລີ່ມຟື້ນຟູວຽກງານແຕ່ວັນທີ 24 ກຸມພາຫາວັນທີ 8 ມີນາປີ 1978, ກອງປະຊຸມສະພາປຶກສາການເມືອງແຫ່ງຊາດຈີນຄັ້ງທີ 1 ສະໄໝທີ 5 ຈັດຂຶ້ນຢູ່ປັກກິ່ງ, ກຳມະການສະພາປຶກສາການເມືອງທີ່ເຂົ້າຮ່ວມກອງປະຊຸມເທື່ອນີ້ໄດ້ນັ່ງຟັງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 1 ສະໄໝທີ 5 ທີ່ຈັດຂຶ້ນແຕ່ວັນທີ 26 ກຸມພາຫາວັນທີ 5 ມີນາປີ1978. ແຕ່ນັ້ນມາໄດ້ຟື້ນຟູການກະທຳທີ່ກຳມະການສະພາປຶກສາການເມືອງນັ່ງຟັງສະພາປະຊາຊົນ
