ການສຳຫລວດພິຈາລະນາກໍ່ແມ່ນອ່ານ ອະພິປາຍ ຄົ້ນຄວ້າແລະກວດກາຍັດຕິແລະບົດລາຍງານທຸກສະບັບທີ່ຖືກຈັດເຂົ້າວາລະປະຊຸມ,ເມື່ອໄດ້ພິຈາລະນາແລ້ວກໍ່ສະເຫນີຄວາມເຫັນຢືນຢັນ ຢັບຢັ້ງຫລືດັດແກ້. ການພິຈາລະນາແມ່ນປະຖົມປັດໄຈທີ່ຜູ່ແທນປະຊາຊົນນຳໃຊ້ສິດລົງຄະແນນສຽງ, ຖ້າບໍ່ໄດ້ພິຈາລະນາກໍ່ລົງຄະແນນສຽງ,ການລົງຄະແນນສຽງຈະບໍ່ມີຜົນສັກ ສິດ;ການພິຈາລະນາກໍ່ແມ່ນວິທີຕິດຕາມສຳຄັນອັນຫນຶ່ງ,ແມ່ນກວດກາວຽກງານຂອງລັດຖະບານແລະອົງການລັດ,ຖ້າວ່າບໍ່ພໍໃຈນຳວຽກງານຂອງພວກເຂົາເຈົ້າ, ມີຄວາມເຫັນຕ່າງກັນ, ມີຂໍ້ສະເຫນີຂອງຕົນເອງໄດ້ໃນເວລາພິຈາ ລະນາ, ກໍ່ຈະສະເຫນີຂໍ້ສະເຫນີ ຄຳຕິຕຽນແລະຄວາມເຫັນ;ການພິຈາລະນາກໍ່ວິທີສຳຄັນທີ່ຜູ່ແທນປະຊາຊົນສ່ອງແສງຄວາມເຫັນຂອງປະຊາຊົນແລະສະແດງຄວາມເຫັນຂອງຕົນເອງ.ຕໍ່ບັນຫາໃດຫນຶ່ງ ແຜນການໃດຫນຶ່ງຫລືວຽກງານໃດຫນຶ່ງ, ໃນເວລາພິຈາລະນາຈະສະເຫນີຄວາມເຫັນຂອງຕົນແລະແຜນການຂອງຕົນເພື່ອແກ້ໄຂບັນຫາເຫລົ່ານີ້.
ອີງຕາມການກຳນົດຂອງກົດຫມາຍວ່າດ້ວຍຜູ່ແທນປະຊາຊົນ, ການພິຈາລະນາແມ່ນວຽກງານສຳຄັນລາຍຫນຶ່ງຂອງຜູ່ແທນປະຊາຊົນໃນໄລຍະກອງປະຊຸມສະພາປະຊາຊົນ, ກໍ່ແມ່ນສິດສຳຄັນອັນຫນຶ່ງຂອງບັນດາຜູ່ແທນ. ເບິ່ງຈາກພຶດຕິກຳທີ່ຜ່ານມາ, ວຽກງານພິຈາລະນາມັກເກີດມີສອງບັນຫາຄື: ຫນຶ່ງບໍ່ເຂົ້າໃຈລັກສະນະແລະຄວາມສຳຄັນຂອງວຽກງານພິຈາລະນາ.ຜູ່ແທນບາງຄົນຖືການພິຈາະລນາບົດລາຍງານໃນວາລະປະຊຸມເປັນການຮ່ຳຮຽນເອກະສານຂອງຂັ້ນເທິງ, ນີ້ໄດ້ເສຍຄວາມຫມາຍເດີມຂອງການພິຈາລະນາ; ສອງ,ຕໍ່ແຜນພັດທະນາເສດຖະກິດສັງຄົມແຫ່ງຊາດ ແຜນງົບປະມານແລະງົບບັນຊີການເງິນ,ການພິຈາລະນາແມ່ນບໍ່ພຽງພໍເປັນພິເສດ, ເຫັນວ່າ, ບົດລາຍງານທີ່ນຳສະເຫນີໂດຍພາກສ່ວນຂອງລັດຖະບານຈະບໍ່ມີຄວາມຜິດ, ສະນັ້ນໃນເວລາພິຈາລະນາມັກເວົ້າລ້ວນໆໄປ,ແລ້ວປ່ອນບັດໄວ້ວາງໃຈໄດ້.
ໃນຫລາຍປີມານີ້, ວຽກງານພິຈາລະນາສະເພາະຢ່າງຍິ່ງວຽກງານພິຈາລະນາເຖິງການເງິນເສດຖະກິດກໍ່ມີການປ່ຽນແປງໃນລະດັບໃດຫນຶ່ງ, ສະພາປະຊາຊົນທ້ອງຖີ່ນຫລາຍແຫ່ງໄດ້ສ້າງຂໍ້ບັນຍັດທ້ອງຖີ່ນກ່ຽວກັບການພິຈາ ລະນາການເງິນ, ໃນໄລຍະກອງປະຊຸມສະພາປະຊາຊົນໄດ້ຕັ້ງຄະນະກຳມະການພິຈາລະນາກວດກາງົບປະມານການເງິນ.ເດືອນທັນວາປີ 1998, ກອງປະຊຸມຄະນະປະຈຳສະພາປະຊາຊົນແຫ່ງຊາດຈີນຄັ້ງທີ 6 ສະໄຫມທີ 9 ຍັງໄດ້ຜ່ານຂໍ້ຕົກລົງກ່ຽວກັບຄະນະປະຈຳສະພາປະຊາຊົນແຫ່ງຊາດຈີນສ້າງ ຕັ້ງກຳມາທິການວຽກງານງົບປະມານ,ຕັ້ງອົງການສະເພາະກິດພິຈາລະນາແລະກວດກາງົບປະມານການເງິນ, ນີ້ສະແດງໃຫ້ເຫັນວ່າ, ວຽກງານພິຈາລະ ນາໄດ້ຮັບການເອົາໃຈໃສ່ໂດຍທົ່ວໄປແລ້ວ.
 |
