ໃນເວລາພິຈາລະນາບົດລາຍງານວຽກງານລັດຖະບານ ບົດລາຍງານແຜນພັດທະນາເສດຖະກິດສັງຄົມແຫ່ງຊາດ ບົດລາຍງານງົບປະມານການເງິນ ບົດລາຍງານວຽກງານຄະນະປະຈຳສະພາປະຊາຊົນ ບົດລາຍງານວຽກງານຂອງສານປະຊາຊົນສູງສຸດແລະອົງການໄອຍະການປະຊາຊົນທີ່ຖືກຈັດເຂົ້າວາລະປະຊຸມ, ໃນກໍລະນີຜູ່ແທນປະຊາຊົນບໍ່ເຂົ້າໃຈບັນຫາໃດຫນຶ່ງ,ຕ້ອງຊອກຮູ້ໃຫ້ຄັກແນ່, ກໍ່ສາມາດຕັ້ງຄຳຖາມຕໍ່ພາກສ່ວນທີ່ກ່ຽວຂ້ອງ, ທວງໃຫ້ພວກເຂົາເຈົ້າອະທິບາຍຕື່ມ, ຕອບຄຳຖາມທີ່ຕັ້ງໄວ້.ສ່ວນຍັດຕິທີ່ຜູ່ແທນຮ່ວມກັນນຳສະເຫນີນັ້ນ, ມີບ່ອນທີ່ບໍ່ເຂົ້າໃຈກໍ່ຕັ້ງຄຳຖາມໄດ້, ແຕ່ການສອບຖາມຂອງຜູ່ແທນຕົ້ນຕໍແມ່ນແນໃສ່ກໍລະນີທີຫນຶ່ງ.ການຕັ້ງຄຳຖາມແມ່ນສິດຂອງຜູ່ແທນປະຊາຊົນ, ຈຸດປະສົງແມ່ນຊອກຮູ້ສະພາບການແລະວຽກງານການປົກຄອງແຈ້ງກວ່າເກົ່າ, ແລະພິຈາລະນາແລະລົງຄະແນນສຽງຍິ່ງດີກວ່າເກົ່າ.
ເພື່ອເຮັດໃຫ້ພາກສ່ວນທີ່ກ່ຽວຂ້ອງເອົາໃຈໃສ່ນຳການສອບຖາມຂອງຜູ່ແທນປະຊາຊົນ, ກົດຫມາຍວ່າດ້ວຍຜູ່ແທນປະຊາຊົນໄດ້ກຳນົດເປັນພິເສດວ່າ, ພາກສ່ວນທີ່ຖືກສອບຖາມຕ້ອງແຕ່ງຜູ່ຮັບຜິດຊອບຕອບຄຳຖາມຢູ່ ຫນ່ວຍຜູ່ແທນຫລືກອງປະຊຸມຂອງຄະນະຜູ່ແທນ, ບໍ່ໃຫ້ແຕ່ງພະນັກງານທຳມະດາຕອບທົ່ວທີບ.
 |
