ຈຸດປະສົງຂອງການເປິກສາການເມືອງ ການຕິດຕາມກວດກາໂດຍປະຊາທິປະໄຕເຂົ້າຮ່ວມການປົກຄອງແລະເປິກສາການປົກຄອງແມ່ນ:ສົ່ງເສີມປະຊາທິປະໄຕ ສັງຄົມນິຍົມ,ສ່ອງແສງຄວາມເຫັນແລະຄວາມຮຽກຮ້ອງຂອງທຸກກ້ຳທຸກຝ່າຍໃນສັງຄົມ,ສ້າງຊ່ອງທາງທີ່ລຸລ່ວງໃຫ້ບັນດາພັກຝ່າຍປະຊາທິປະໄຕ ຜູ້ຊົງຄຸນວຸດທິປະຊາທິປະໄຕທີ່ບໍ່ສັງກັດພັກຝ່າຍໃດ,ອົງການຈັດຕັ້ງມະຫາຊົນຜູ່ຊົງຄຸນວຸທິດເຜົ່າສ່ວນຫນ້ອຍແລະຜູ່ຊົງຄຸນວຸທິດທີ່ຮັກຊາດໃນວົງການຕ່າງໆເສີມຂະຫຍາຍບົດບາດ ຮັບເອົາຄຳຄິດຄຳເຫັນຂອງເຂົ້າເຈົ້າ ຊຸກຍູ້ລັດຕົກລົງວຽກສຳຄັນຕາມ ວິທະຍາສາດແລະປະຊາທິປະໄຕ ຕິດຕາມກວດກາສະພາບການປະຕິບັດລັດຖະທຳມະນູນ ກົດຫມາຍແລະທິດທາງນະໂຍບາຍຂອງລັດ,ຊ່ອຍເຫຼືອແລະຊຸກຍູ້ອົງການລັດດັດແປງວຽກງານ ຍົກປະສິດທິພາບໃຫ້ສູງຂຶ້ນ ແກ້ພະຍາດອາດຍາສິດ ຄັດຄ້ານປະກົດການເສຍທາດຂາດຄຸນ ຊຸກຍູ້ການສ້າງສາອະລິຍະທຳດ້ານວັດຖຸ ອະລິຍະທຳດ້ານຈິດໃຈແລະລະບອບປະຊາທິປະໄຕແລະລະບຽບກົດຫມາຍສັງຄົມນິຍົມ. ຊຸກຍູ້ການພັດທະນາເສດຖະກິດຕະຫຼາດສັງຄົມນິຍົມແລະກຳລັງການຜະລິດຂອງສັງຄົມ,ປະສານການພົວພັນລະຫວ່າງບັນດາຝ່າຍຂອງສັງຄົມ,ຊຸກຍູ້ບັນດາຝ່າຍແລະປ່ຽນກັນແລະເຂົ້າໃຈເຊິ່ງກັນແລະກັນ,ເພີ່ມທະວີຄວາມສະມັກຄີແລະການຮ່ວມມືລະຫວ່າງພັກຝ່າຍເຊິ່ງນຳໂດຍພັກກອມມູນນິດ,ຜັນຂະຫຍາຍທິດທາງທີ່ໂຮມເຂົ້າເປັນເອກະພາບໂດຍສັນຕິ,ປະເທດດຽວສອງລະບອບ,ຊຸກຍູ້ການໂຮມປະເທດຊາດເຂົ້າເປັນເອກະພາບກັນບັນລຸຜົນເປັນຈິງ.
ພັກຝ່າຍປະຊາທິປະໄຕ
ຢູ່ຈີນ,ນອກຈາກພັກກອມມູນິດຈີນແລ້ວ,ຍັງມີອີກ 8 ພັກການເມືອງທີ່ຖືກເອີ້ນວ່າພັກຝ່າຍປະຊາທິປະໄຕ 8 ພັກການເມືອງມີດັ່ງນີ້:ຄະນະກຳມະການປະຕິວັດພັກກົກມິນຕັງຈີນ ອົງການສຳພັນປະຊາທິປະໄຕຈີນ ສະມາຄົມປະຊາທິປະໄຕສ້າງຊາດຈີນ ສະມາຄົມສົ່ງເສີມປະຊາທິປະໄຕຈີນ ພັກປະຊາທິປະໄຕ ຊາວນາກຳມະກອນຂອງຈີນ ພັກຈື້ກົງຈີນ ສະມາຄົມວິຊາການຈິວຊານ,ອົງການສຳພັນໄຕ້ຫວັນປົກຄອງຕົນເອງໂດຍປະຊາທິປະໄຕ,ພັກຝ່າຍປະຊາທິປະໄຕເຫຼົ່ານີ້ສ່ວນຫຼາຍແມ່ນສ້າງຕັ້ງຂຶ້ນແລະຂະຫຍາຍຕົວເປັນເທື່ອລະກ້າວໃນສົງຄາມຕໍ່ຕ້ານຍີ່ປຸ່ນແລະສົງຄາມປົດປ່ອຍທົ່ວປະເທດ,ພັກຝ່າຍປະຊາທິປະໄຕສະຫນັບສະຫນູນການນຳພາຂອງພັກກອມມູນນິດໃນການເມືອງມີເສລີພາບດ້ານການເມືອງ ການຈັດຕັ້ງເປັນອິດສະຫຼະແລະຖານະກົດຫມາຍສະເຫມີພາບກັນພາຍໃນຂອບເຂດລັດຖະທຳມະນູນ.
ບັນດາພັກຝ່າຍປະຊາທິປະໄຕບໍ່ແມ່ນພັກທີ່ບໍ່ຄອງອຳນາດ ກໍ່ບໍ່ແມ່ນພັກຝ່າຍຄ້ານ ຫາກແມ່ນພັກທີ່ເຂົ້າຮ່ວມການປົກຄອງ ປະຈຸບັນນີ້,ຢູ່ໃນຄະນະປະຈຳສະພາປະຊາຊົນທຸກຂັ້ນ ຄະນະກຳມະການສະພາປຶກສາການເມືອງທຸກຂັ້ນ ອົງການລັດທຸກຂັ້ນແລະຂະແຫນງການເສດຖະກິດ ວັດທະນະທຳ ການສຶກສາແລະ ວິທະຍາສາດເຕັກນິກເປັນຕົ້ນລ້ວນແຕ່ມີສະມາຊິກຂອງບັນດາພັກຝ່າຍປະຊາທິປະໄຕຈຳນວນຫຼວງຫຼາຍດຳລົງຕຳແຫນ່ງການນຳ,ພ້ອມກັນນັ້ນ,ສະມາຊິກຂອງບັນດາພັກຝ່າຍປະຊາທິປະໄຕກໍເພີ່ມທະວີຫຼາຍກວ່າເກົ່າ,ຢູ່ບັນດາແຂວງ ເຂດປົກຄອງຕົນເອງ ກຳແພງນະຄອນຕະຫຼອດຮອດຕົວເມືອງຜ້ານກາງແລະໃຫຍ່ລ້ວນແຕ່ມີອົງການທ້ອງຖິ່ນແລະອົງການຮາກຖານຂອງບັນດາພັກຝ່າຍປະຊາທິປະໄຕ.
