ທ່ານສີຈິ້ນຜິງເນັ້ນໜັກວ່າ:ຍຶດໝັ້ນຄວາມໝັ້ນໃຈຕໍ່ເສັ້ນທາງທີ່ເລືອກໄວ້ເພື່ອກໍ່ສ້າງທາລະນະລັດປະຊາຊົນຈີນໃຫ້ຈະເລີນຮຸ່ງເຮືອງຍິ່ງໆຂຶ້ນ
2014-10-01 13:59:11 cri
ຕອນຄ່ຳວັນທີ 30 ກັນຍາຜ່ານມານີ້, ລັດຖະບານຈີນໄດ້ຈັດງານລ້ຽງຮັບຮອງ, ເພື່ອສະເຫຼີມສະຫຼອງວັນສ້າງຕັ້ງສາທາລະນະລັດປະຊາຊົນຈີນຄົບຮອບ 65 ປີ ທີ່ນະຄອນຫຼວງປັກກິ່ງ. ທ່ານສີຈິ້ນຜິງ, ທ່ານຫຼີເຄີ້ສຽງ, ທ່ານຈ່າງເຕີຈ່ຽງ, ທ່ານອີເຈິ້ງເຊິ່ງ, ທ່ານຫຼິວຢຸນຊານ, ທ່ານຫວາງສີຊານ, ທ່ານຈ່າງຈ່າວລີ້ແລະຜູ້ນຳຈີນທ່ານອື່ນໆພ້ອມທັງບຸກຄົນທັງພາຍໃນແລະຕ່າງປະເທດລວມ 3 ພັນກວ່າທ່ານໄດ້ເຕົ້າໂຮ່ມກັນເພື່ອສະຫຼອງວັນຊາດຈີນທີ່ວຽນມາເຖິງ.
ໂອກາດນີ້, ທ່ານສີຈິ້ນຜິງໄດ້ຫ່ວນຄືນການພັດທະນາແລະການປ່ຽນແປງຂອງສາທາລະນະລັດປະຊາຊົນຈີນໃນ 65 ປີທີ່ຜ່ານມາ. ທ່ານກ່າວວ່າ, ເມື່ອໄດ້ທຳຄວາມພະຍາຍາມຢ່າງບໍ່ລົດລະມາເປັນເວລາ 65 ປີ, ກຳລັງແຮງສັງລວມແຫ່ງຊາດຂອງຈີນໄດ້ມີການພັດທະນາແບບກ້າວກະໂດດຄັ້ງປະຫວັດສາດ; ຊີວິດການເປັນຢູ່ຂອງປະຊາຊົນຈີນໄດ້ບັນລຸລະດັບທີ່ອີ່ມໜຳສຳລານໂດຍລວມ; ໃນເວທີສາກົນ, ຈີນປະຕິບັດນະໂຍບາຍການຕ່າງປະເທດແບບສັນຕິພາບ ທີ່ຕັ້ງຕົນເປັນເອກະລາດ , ໄດ້ປົກປັກຮັກສາສັນຕິພາບຂອງໂລກແລະຊຸກຍູ້ການພັດທະນາຮ່ວມກັນດ້ວຍການກະທຳຕົວຈິງ.
ທ່ານສີຈິ້ນຜິງຊີ້ອອກວ່າ, ເປົ້າໝາຍສູ້ຊົນໃດໆລ້ວນແຕ່ຈະບໍ່ສາມາດບັນລຸຜົນເປັນຈິງໄດ້ຢ່າງງ່າຍດາຍ, ເສັ້ນທາງທີ່ກ້າວໄປໜ້າບໍ່ອາດຈະເດີນແມ່ນແລ່ນສະດວກຕະຫຼອດໄປ. ພວກເຮົາຕ້ອງກຽມພ້ອມເພື່ອດຳເນີນການສູ້ຊົນອັນຍິ່ງໃຫຍ່ທີ່ມີຈຸດພິເສດດ້ານປະຫວັດສາດອັນໃໝ່. ປະຊາຊົນຈີນຍ່ອມຈະເອົາຊະນະຄວາມຫຍຸ້ງຍາກລຳບາກທຸກປະການທີ່ສາມາດຄາດໄວ້ແລະບໍ່ສາມາດທີ່ຈະຄາດໄວ້, ເພື່ອກໍ່ສ້າງທາລະນະລັດປະຊາຊົນຈີນໃຫ້ຮຸ່ງເຮືອງຍິ່ງໆຂຶ້ນ.
