ເຫດການຍົນຕົກຂອງບໍລິສັດການບິນມາເລເຊຍພາໃຫ້ທົ່ວໂລກຕົກສະເງີ້
2014-12-10 10:51:44 cri
ວັນທີ 8 ມີນາ 2014, ຍົນ MH370 ຂອງບໍລິສັດການບິນມາເລເຊຍທີ່ຈາກກົວລະລຳເບີບິນໄປນະຄອນຫຼວງປັກກິ່ງ, ເມື່ອໄດ້ຂຶ້ນບິນບໍ່ດົນ, ກໍ່ບໍ່ໄດ້ຕິດຕໍ່ກັບໜ້າດິນເລີຍ. ໃນຍົນດັ່ງກ່າວມີທັງໝົດ 239 ຄົນ. ມີ 26 ປະເທດໄດ້ເຂົ້າຮ່ວມການຊອກຫາຍົນທີ່ຫາຍສາບສູນຢູ່ມະຫາສະໝຸດປາຊີຟິກແລະມະຫາສະໝຸດອິນເດຍ, ຈົນຮອດປັດຈຸບັນຍັງບໍ່ທັນຊອກເຫັນຍົນທີ່ເກີດອຸບັດເຫດ. ວັນທີ 17 ກໍລະກົດ, ຍົນ MH17 ຂອງບໍລິສັດການບິນມາເລເຊຍທີ່ບິນອອກຈາກອຳສແຕຕັນຂອງໂຮນລັງ ໄປສູ່ນະຄອນຫຼວງກົວລະລຳເປີຂອງມາເລເຊຍໄດ້ຕົກຢູ່ເຂດຊາຍແດນຂອງພາກຕາເວັນອອກອູແກຼນທີ່ໃກ້ກັບຣັດເຊຍ, 298 ຄົນໃນຍົນນັ້ນເສຍຊີວິດໝົດ. ວຽກງານສຳຫວດເຫດການເທື່ອນີ້ໄດ້ປະສົບຄວາມຫຍຸ້ງຍາກຍ້ອນເສິກກາງເມືອງອູແກຼນ.