ອຸປະຕິເຫດຍົນຕົກຂອງລາວເຮັດໃຫ້ຜູນຳຄົນສຳຄັນ 4 ຄົນປະສົບເຄາະຮ້າຍ
2014-12-11 14:44:40 cri
ວັນທີ 17 ພຶດສະພາຜ່ານມານີ້, ຍົນທະຫານລຳໜຶ່ງໄດ້ຕົກຢູ່ແຂວງຊຽງຂວາງ, ພາກຕາເວັນອອກສຽງເໜືອຂອງລາວ, ເຊິ່ງໃນ 17 ຄົນທີ່ຢູ່ໃນຍົນລຳດັ່ງກ່າວນີ້, ມີແຕ່ 3 ຄົນລອດຊີວິດໄດ້. ຜູ້ປະສົບເຄາະຮ້າຍລວມມີທ່ານດວງໃຈ ພິຈິດ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງປ້ອງກັນປະເທດ, ທ່ານ ທອງບັນແສງ ອາພອນ, ລັດຖະມົນຕີວ່າການກະຊວງປ້ອງກັນຄວາມສະຫງົບ, ທ່ານ ສຸກັນມະຫາລາດ, ເຈົ້າຄອງນະຄອນຫຼວງວຽງຈັນແລະທ່ານເຈືອງ ສົມບຸນຂັນ ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ. 4 ທ່ານດັ່ງກ່າວມີແຜນການຈະເດີນທາງໄປແຂວງຊຽງຂວາງເພື່ອເຂົ້າຮ່ວມງານສະເຫຼີມສະຫຼອງວັນສ້າງຕັ້ງກອງພັນທີ 2 ຂອງກອງທັບປະຊາຊົນລາວຄົບຮອບ 55 ປີ. ຜົນການສຳຫຼວດເບື້ອງຕົ້ນໄດ້ລາຍງານໃຫ້ຮູ້ວ່າ, ສາເຫດຂອງອຸປະຕິເຫດຄັ້ງນີ້ອາດຈະແມ່ນຍ້ອນຄວາມຜິດພາດທາງດ້ານວິຊາການ.