ພັກຝ່າຍຄ້ານກໍາປູເຈຍຢຸດຕິການຕໍ່ຕ້ານແລະເປັນສ່ວນຮ່ວມຂອງລັດຖະສະພາ
2014-12-11 15:07:28 cri
ວັນທີ 22 ກໍລະກົດປີນີ້, ຫຼັງຈາກໄດ້ພົບປະເຈລະຈາຢູ່ນະຄອນຫຼວງພະນົມເປັນຂອງກໍາປູເຈຍແລ້ວ, ທ່ານຮຸນເຊັນ, ນາຍົກລັດຖະມົນຕີ, ຮອງປະທານພັກປະຊາຊົນທີ່ກໍາອໍານາດຂອງກໍາປູເຈຍ ແລະທ່ານສໍາລັງສີ, ປະທານພັກກູ້ຊາດທີ່ເປັນພັກຝ່າຍຄ້ານຂອງກໍາປູເຈຍ ໄດ້ປະກາດວ່າ, ພັກກູ້ຊາດຈະຢຸດຕິການກະທໍາຄັດຄ້ານທີ່ໄດ້ດໍາເນີນມາເປັນເວລາເກືອບ 1 ປີ ແລະຈະເປັນສ່ວນຮ່ວມຂອງລັດຖະສະພາ ເພື່ອຮ່ວມກັບພັກປະຊາຊົນໃນການບໍລິຫານປະເທດ. ວັນທີ 5 ສິງຫານີ້, ສະມາຊິກສະພາຄົນໃໝ່ 55 ທ່ານຂອງພັກກູ້ຊາດໄດ້ສາບານຕົວຂຶ້ນຮັບຕໍາແໜ່ງຕໍ່ສົມເດັດໂນໂຣດົມ ສິຮາໂມນີ, ເຈົ້າຊີວິດກໍາປູເຈຍ. ຈາກນີ້, ສະພາບເຄັ່ງຕຶງດ້ານການເມືອງຂອງສອງພັກທີ່ຍ້ອນຜົນການເລືອກຕັ້ງລັດຖະສະພາໃນວັນທີ 28 ກໍລະກົດປີ 2013 ນັ້ນ ໄດ້ສິ້ນສຸດລົງແລ້ວ.
