ຈີນສະເໜີ "ແນວຄວາມຄິດສອງວິທີທາງ" (dual-track approach) ເພື່ອແກ້ໄຂບັນຫາທະເລຈີນໃຕ້
2014-12-11 15:08:56 cri
ວັນທີ 9 ສິງຫາ, ໃນໄລຍະເຂົ້າຮ່ວມກອງປະຊຸມການຕ່າງປະເທດປິ່ນປ້ອມການຮ່ວມມືອາຊີຕາເວັນອອກທີ່ຈັດຂຶ້ນຢູ່ນະຄອນຫຼວງເນປີດໍຂອງມຽນມາ, ທ່ານຫວາງຢີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ສະເໜີ"ແນວຄວາມຄິດສອງວິທີທາງ" ເພື່ອແກ້ໄຂບັນຫາທະເລຈີນໃຕ້. ວັນທີ 13 ພະຈິກ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຊີ້ແຈງ"ແນວຄວາມຄິດສອງວິທີທາງ"ຕື່ມອີກຢູ່ໃນກອງປະຊຸມສຸດຍອດຈີນ-ອາຊຽນທີ່ຈັດຂຶ້ນຢູ່ນະຄອນຫຼວງເນປີດໍຂອງມຽນມາ, ໂດຍກຳນົດຢ່າງຈະແຈ້ງວ່າ ກ່ຽວກັບຄວາມຂັດແຍ້ງຕົວຈິງ, ໃຫ້ປະເທດທີ່ກ່ຽວຂ້ອງໂດຍກົງປະຕິບັດຕາມຄວາມຈິງໃນປະຫວັດສາດ, ກົດໝາຍລະຫວ່າງຊາດແລະຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້, ແກ້ໄຂດ້ວຍວິທີປຶກສາຫາລືແລະເຈລະຈາໂດຍສັນຕິ, ສັນຕິພາບແລະຄວາມໝັ້ນຄົງຂອງທະເລຈີນໃຕ້ແມ່ນໃຫ້ຈີນແລະບັນດາປະເທດສະມາຊິກອາຊຽນຮ່ວມກັນປົກປັກຮັກສາ.