10ປະເທດອາຊຽນຈະກາຍເປັນປະເທດປະດິດສ້າງທະນາຄານລົງທຶນດ້ານພື້ນຖານໂຄງລ່າງອາຊີ
2014-12-11 15:19:52 cri
ວັນທີ24ຕຸລາ2014,ລັດຖະມົນຕີການເງິນແລະຜູ້ໄດ້ຮັບການມອບສິດຂອງຈີນແລະ21ປະເທດສະມາຊິກທີ່ເປັນປະເທດງວດທຳອິດທີ່ມີຄວາມເຈຕະນາ,ເຊິ່ງລວມທັງ9ປະເທດອາຊຽນໄດ້ເຊັນສັນຍາຢູ່ນະຄອນຫຼວງປັກກິ່ງ,ພ້ອມກັນຕົກລົງຈະສ້າງຕັ້ງທະນາຄານລົງທຶນດ້ານພື້ນຖານໂຄງລ່າງອາຊີ.ວັນທີ25ພະຈິກ2014, ທ່ານບຳບາງ ເປີມາດີ,ລັດຖະມົນຕີວ່າການກະຊວງການເງິນອິນໂດເນເຊຍໄດ້ຕາງໜ້າລັດຖະບານອິນໂດເນເຊຍເຊັນບົດບັນທຶກກ່ຽວກັບກະກຽມການສ້າງທະນາຄານລົງທຶນດ້ານພື້ນຖານໂຄງລ່າງອາຊີຢູ່ຈາກາຕາ, ອິນໂດເນເຊຍກາຍເປັນປະເທດສະມາຊິກທີ22ທີ່ມີຄວາມເຈຕະນາສ້າງທະນາຄານດັ່ງກ່າວ.ອົງການພັດທະນາຫຼາຍຝ່າຍໃນພາກພື້ນອາຊີທີ່ສະເໜີສ້າງຂຶ້ນໂດຍປະເທດຈີນນັ້ນຈະເລີ່ມເຮັດວຽກກ່ອນທ້າຍປີ2015, ໂດຍຈະໃຫ້ການສະໜັບສະໜູນດ້ານການເງິນແກ່ປະເທດທີ່ຂາດເຂີນເງິນທຶນໃນການກໍ່ສ້າງພື້ນຖານໂຄງລ່າງ.