ງານມະຫາກຳກິລາແຫ່ງຊາດທຸກຄັ້ງ. ນອກຈາກຄະນະກຳມະການຈັດການແຂ່ງຂັນຈະກຳນົດປະເພດກິລາ ທີ່ຈະທຳການແຂ່ງຂັນແລ້ວ ສິ່ງທີ່ຂາດບໍ່ໄດ້ນັ້ນຍັງຕ້ອງແມ່ນການກຳນົດສັດນຳໂຊກ ແລະ ໂລໂກທີ່ເປັນສີສັນຂອງງານ. ທັງເປັນສັນຍາລັກ ທີ່ມີຄວາມໝາຍສຳຄັນແຂວງເຈົ້າພາບ. ແຕ່ສຳລັບ ' ອຸດົມໄຊເກມ ' ເຈົ້າພາບ ໄດ້ກຳນົດເອົາມ້າເງິນ- ມ້າຄຳ ເປັນສັດນຳໂຊກ ເຊິ່ງມີຄວາມໝາຍສຳຄັນຄື: ໂຕມ້າ ເປັນສັນຍາລັກເຖິງຄວາມແຂງແຮງ, ທົນທານ, ວ່ອງໄວມີຄວາມສວຍງາມ ເປັນສັດຄູ່ບ້ານ ຄູ່ເມືອງຂອງປະຊາຊົນ ໃນວິຖີຊີວິດປະຈຳວັນ, ມ້າເປັນພາຫະນະຮັບໃຊ້ ໃນການຂົນສົ່ງລຳລຽງສິນຄ້າ, ດ້ານກິລາ ເປັນສັດປະເພດໜຶ່ງທີ່ຖືກຈັດເຂົ້າແຂ່ງຂັນ ໃນງານບຸນປະເພນີຂອງຊົນເຜົ່າ ແລະ ສາກົນ.
ໂລໂກ ແມ່ນໄດ້ກຳນົດເອົາພະທາດລັດຕະນະມິ່ງເມືອງ ທີ່ເປັນປູສະນິຍະສະຖານ, ສະຖາປັດຕະຍະກຳມໍລະດົກທີ່ເກົ່າແກ່, ເປັນພະທາດທີ່ສວຍງາມ ທັງເປັນພະທາດຄູ່ບ້ານຄູ່ເມືອງ, ເປັນສະຖານທີ່ສັກສິດ ເປັນທີ່ເຄົາລົບບູຊາຂອງຊາວແຂວງອຸດົມໄຊ.