ກະຊວງພະລັງງານ-ບໍ່ແຮ່ ຄວ້າ 2 ຫຼຽນຄຳ ກິລາແລ່ນ-ລານ ອຸດົມໄຊ ເກມ
2014-12-13 18:29:05 cri
ກະຊວງພະລັງງານ-ບໍ່ແຮ່ຄວ້າໄດ້ 2 ຫຼຽນຄຳ……ຂະນະທີ່ນະຄອນຫຼວງວຽງຈັນກໍ່ຄວ້າ 2 ຫຼຽນຄຳເຊັ່ນກັນ ໃນການແຂ່ງຂັນກິລາແລ່ນ-ລານ ງານມະຫາກຳກິລາແຫ່ງຊາດຄັ້ງທີ Ⅹ ຫຼື ອຸດົມໄຊ ເກມ ທີ່ຈະໄດ້ເປີດສາກຢ່າງເປັນທາງການລະຫວ່າງວັນທີ 13-21 ທັນວານີ້ເມື່ອວັນທີ 9 ທັນວາຜ່ານມາທີ່ສະໜາມກິລາແຂວງອຸດົມໄຊ ໄດ້ມີການແຂ່ງຂັນກິລາແລ່ນ-ລານຮອບຊີງຊະນະເລີດ 8 ລາຍການໃນງານມະຫາກຳກິລາແຫ່ງຊາດຄັ້ງທີ Ⅹ ຫຼື ອຸດົມໄຊ ເກມ, ເຊິ່ງໃນນີ້, ນັກກິລາກະຊວງພະລັງງານ-ບໍ່ແຮ່ ສາມາດຄວ້າມາໄດ້ 2 ຫຼຽນຄຳຈາກທ້າວອານຸສອນ ໄຊສາ ປະເພດແລ່ນ 110 ແມັດ ຂ້າມຮົ້ວ ແລະ ນາງ ແລ່ນລີ້ ພຸດທະວົງ ປະເພດເຕັ້ນ 3 ກ້າວ. ສ່ວນນະຄອນຫຼວງວຽງຈັນ ກໍ່ບໍ່ໜ້ອນໜ້າ ຄວ້າ 2 ຫຼຽນຄຳໄດ້ເຊັ່ນກັນ ຈາກນາງ ມັດ ຖິນມະນາວ ປະເພດແກວ່ງຄ້ອນຍິງ ແລະ ນາງ ມະນີວັນ ຈັນທະວົງ ປະເພດແລ່ນ 100 ແມັດຂ້າມຮົ້ວ ພ້ອມກັບ 1 ຫຼຽນເງິນຈາກນາງ ນັກ ສີຫາລາດ ປະເພດແລ່ນ 100 ແມັດຍິງຂ້າມຮົ້ວ ແລະ 3 ຫຼຽນທອງ ຈາກທ້າວ ວິລະພົງ ຈະເລີນສັກ ປະເພດແກວ່ງຄ້ອນ, ທ້າວ ສຸລິສັກ ສະຫວັດດີສິລິມາ ປະເພດແລ່ນ 100 ແມັດຂ້າມຮົ້ວ ແລະ ນາງ ລັດສະໝີ ປະເພດແກວ່ງຄ້ອນຍິງພ້ອມດຽວກັນນີ້,ກະຊວງປ້ອງກັນຄວາມສະຫງົບໄດ້ 1 ຫຼຽນຄຳ ຈາກທ້າວ ດວງໃຈ ໄພມະນີ ປະເພດເຕັ້ນ 3 ກ້າວ ແລະ 2 ຫຼຽນທອງ ຈາກປະເພດເຕັ້ນ 3 ກ້າວຊາຍ ແລະ ແລ່ນ 100 ແມັດຍິງຂ້າມຮົ້ວ; ກະຊວງ ແຜນການແລະການລົງທຶນ ຄວ້າໄດ້ 1 ຫຼຽນຄຳ ຈາກທ້າວ ບຸນລອດ ແກ້ວວິເສດ ປະເພດແກວ່ງຄ້ອນ; ແຂວງຊຽງຂວາງຄວ້າໄດ້ 1 ຫຼຽນຄຳ ຈາກນາງ ຕູ່ນີ ສຸລິໄຊ ປະເພດແລ່ນ 5000 ແມັດ; ແຂວງຫຼວງນ້ຳທາໄດ້ 1 ຫຼຽນຄຳ ຈາກທ້າວ ມິດສິຫວັນ ວອນວິຈິດ ປະເພດສັດຫຼາວ; ແຂວງສະຫວັນນະເຂດໄດ້ 3 ຫຼຽນເງິນ ຈາກປະເພດຊັດຫຼາວຊາຍ ແລະເຕັ້ນ 3 ກ້າວຍິງ; ກະຊວງປ້ອງກັນປະເທດໄດ້ 2 ຫຼຽນເງິນຈາກປະເພດແກວ່ງຄ້ອນຊາຍແລະເຕັ້ນ 3 ກ້າວຍິງ; ແຂວງອຸດົມໄຊ ເຈົ້າພາບ ໄດ້ 2 ຫຼຽນເງິນ ຈາກປະເພດແລ່ນ 5000 ແມັດຍິງ ແລະແກວ່ງຄ້ອນຍິງ; ແຂວງໄຊຍະບູລີໄດ້ 1 ຫຼຽນທອງຈາກປະເພດແລ່ນ 5000 ແມັດຍິງ ສຳລັບການແຂ່ງຂັນກິລາແລ່ນ-ລານ ຈະໄດ້ດຳເນີນໄປຈົນເຖິງວັນທີ 14 ທັນວານີ້ ແລະ ໃນມື້ນີ້(10 ທັນວາ)ຈະມີການຊີງຫຼຽນຄຳ 10 ລາຍການ ປະກອບມີແກ່ງຈານຍິງ, ແລ່ນ 3000 ແມັດວິບາກຊາຍ; ແລ່ນ 2000 ແມັດວິບາກຍິງ, ຊັດຫຼາວ, ແລ່ນ 200 ແມັດຍິງ, ແລ່ນ 200 ແມັດຊາຍ, ແລ່ນ 1500 ແມັດຍິງ, ແລ່ນ 1500 ແມັດຊາຍ, ແລ່ນ 400 ແມັດຍິງຂ້າມຮົ້ວ ແລະແລ່ນ 400 ແມັດຊາຍຂ້າມຮົ້ວ.
