ແຂວງອຸດົມໄຊຈັດພິທີຂໍໄຟສັກສິດງານມະຫາກຳກິລາແຫ່ງຊາດຄັ້ງທີ x
ຕອນເຊົ້າວັນທີ 13 ທັນວານີ້, ທີ່ວັດພະທາດມິ່ງເມືອງ ແຂວງອຸດົມໄຊ, ໄດ້ມີພິທີຂໍໄຟສັກສິດ ງານມະຫາກຳກິລາແຫ່ງຊາດຄັ້ງທີ x, ໂດຍມີທ່ານ ດຣ. ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ຄຳຫຼ້າ ລິ້ງນະສອນ ເຈົ້າແຂວງ ແຂວງອຸດົມໄຊ, ມີຄະນະກົມກະຊວງສຶກສາທິການ ແລະ ກິລາ, ບັນດາຫົວໜ້າ, ຮອງຫົວໜ້າພະແນກການອ້ອມຂ້າງແຂວງ ແລະ ບັນດາທ່ານຕາງໜ້າຄະນະນຳນັກກິລາ ແຕ່ລະແຂວງ ເຂົ້າຮ່ວມ.
ທ່ານ ດວງໃຈ ອ່ອນຊົມພູ ຫົວໜ້າອະນຸກຳມະການແລ່ນທວນໄຟ ງານມະຫາກຳກິລາແຫ່ງຊາດຄັ້ງທີ x ກ່າວວ່າ: ການຂໍໄຟສັກສິດ ເພື່ອເປັນສິລິມຸງຄຸນ ໃຫ້ແກ່ການຈັດງານມະຫາກຳກິລາແຫ່ງຊາດຄັ້ງທີ x, ຊື່ງເປັນສັນຍາລັກແຫ່ງແສງສະຫວ່າງ, ຄວາມຮຸ່ງເຮືອງເຫຼືອງເຫຼື້ອມ ແລະ ເປັນສັນຍາລັກແຫ່ງຄວາມປຶກແຜ່ນແໜ້ນໜາ ເພື່ອມິດຕະພາບ ແລະ ເພື່ອຜູກແໜ້ນຄວາມສາມັກຄີຂອງຄະນະນຳ, ນັກກິລາທົ່ວປະເທດ ທີ່ໄດ້ເຂົ້າຮ່ວມງານກິລາແຫ່ງຊາດ, ດ້ານໜື່ງກໍ່ເພື່ອເປັນການສົ່ງເສີມກິລາລາວ, ໃນການສ້າງປະສົບການ ແລະ ຄວາມເຂັ້ມແຂງດ້ວຍຫຼາຍຮູບຫຼາຍສີສັນ, ມີຄວາມອຸດົມສົມບູນສ້າງເງື່ອນໄຂຍົກລະດັບຄວາມສາມາດຂອງນັກກິລາໃຫ້ກາຍເປັນນັກກິລາລະດັບຊາດ, ເຂົ້າຮ່ວມການແຂ່ງຂັນໃນພາກພື້ນ ແລະ ສາກົນ. ພ້ອມນີ້, ເພື່ອພັດທະນາຂະບວນນັກກິລາລາວ ຢູ່ພາຍໃນປະເທດ ໃຫ້ມີຄວາມເຂັ້ມແຂງ ທັງເປັນການຈັດງານບຸນມະໂຫລານກິລາ-ກາຍຍະກຳທົ່ວປະເທດ ໃຫ້ປະສົບຜົນສຳເລັດຢ່າງມີໝາກຜົນ ແລະ ຈົບງາມ.
ພິທີເປີດງານມະຫາກຳກິລາແຫ່ງຊາດຄັ້ງທີ x ຈະເລີ່ມຂື້ນຕອນແລງວັນທີ 13 ນີ້