ເຈົ້າພາບຄວ້າ 4 ຫຼຽນຄຳເທັນນິສອຸດົມໄຊເກມ
2014-12-13 17:22:23 cri
ນັກກິລາເຕັນນິສແຂວງອຸດົມໄຊ(ເຈົ້ພາບ) ປະກາດເປັນເຈົ້າຫຼຍນຄຳຢ່າງສົມສັກສີ ຫຼັງຈາກທີ່ສາມາດຄວ້າມາໄດ້ເຖິງ 4 ຫຼຽນຄຳ ໃນການແຂ່ງຂັນກິລາເຫັນນິສ ງານມະຫະກຳກິລາແຫ່ງຊາດຄັ້ງທີ Ⅹ ຫຼື ອຸດົມໄຊເກມ ທີ່ຈະໄດ້ເປີດສາກຢ່າງເປັນທາງການ ລະຫວ່າງວັນທີ 13-21 ທັນວານີ້, ຂະນະທີ່ກະຊວງພະລັງງານ-ບໍ່ແຮ່າຄວ້າ 2 ຫຼຽນຄຳແລະສະຫວັນນະເຂດຄວ້າ 1 ຫຼຽນຄຳ.
ເມື່ອຕອນແລງວັນທີ 6 ທັນວາຜ່ານມາ ທີ່ສະໜາມກິລາເທັນນິສແຂວງອຸດົມໄຊ ໄດ້ມີພິທີມອບຫຼຍນລາງວັນໃຫ້ແກ່ນັກກິລາເຕັນນິສຊະນະເລີດໃນອຸດົມໄຊເກມ ໂດຍເປັນກຽດມອບຂອງທ່ານຄຳຫຼ້າ ລີ້ງນະສອນ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ທ່ານແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມດ້ວຍຄະນະນຳທີ່ກ່ຽວຂ້ອງຂັ້ນສູນກາງແລະແຂວງເຂົ້າຮ່ວມ.
ການແຂ່ງຂັນກິລາເທັນນິສໃນອຸດົມໄຊເກມໄດ້ທຳການແຂ່ງຂັນກັນໃນລະຫວ່າງວັນທີ 2-6 ທັນວາ 2014 ໂດຍມີການຊິງໄຊກັນທັງໝົດ 7 ປະເທດ. ຜ່ານການແຂ່ງຂັນຜົນປາກົດວ່າ: ນັກກິລາເຈົ້າພາບສາມາດຄອງເຈົ້າຫຼຽນຄຳພາຍຫຼັງທີ່ຄວ້າມາໄດ້ເຖິງ 4 ຫຼຽນຄຳໃນປະເພດທິມຍິງ, ດ່ຽວຊາຍ, ດ່ຽວຍິງແລະຄູ່ປະສົມ ພ້ອມນີ້ ຍັງຄວ້າອີກ 1 ຫຼຍນເງິນປະເພດຄູ່ຊາຍ ແລະ 3 ຫຼຍນທອງໃນປະເພດທີມຊາຍ, ຄູ່ຍິງແລະຄູ່ປະສົມ. ສ່ວນກະຊວງພະລັງງານ-ບໍ່ແຮ່ຄວ້າ 2 ຫຼຍນຄຳໃນປະເພດທິມຊາຍແລະຄູ່ຊາຍ, ພ້ອມນີ້ ຍັງຄວ້າ 3 ຫຼຽນເງິນໃນປະເພດດ່ຽວຊາຍ, ຄູ່ປະສົມ, ຄູ່ຍິງແລະແຂວງສະຫວັນນະເຂດຄວ້າ 1 ຫຼຽນຄຳໃນປະເພດຄູ່ຍິງ ພ້ອມກັບຄວ້າອີກ 3 ຫຼຽນເງິນໃນປະເພດທິມຍິງ, ທິມຊາຍ, ດ່ຽວຍິງແລະ 2 ຫຼຽນທອງປູະເພດຄູ່ປະສົມແລະດ່ຽວຊາຍ. ສຳລັບແຂວງວຽງຈັນແລະນະຄອນຫຼວງວຽງຈັນແມ່ນໄດ້ພາກສ່ວນລະ 1 ຫຼຽນທອງ.