"ສຸລິດາ ໄຊຍະລາດ"ຄວ້າ 1 ຫຼຽນຄຳກິລາເປັນຈັກສີລັດໃຫ້ເຈົ້າພາບໃນອຸດົມໄຊເກມ
2014-12-13 17:35:49 cri
ນາງລຸລິດາ ໄຊຍະບາດ ໄຊລີລາເຂົ້າຕາກຳມະການໄດ້ 154 ຄະແນນຄວ້າຫຼຽນຄຳກິລາປັນຈັກສີລັດ ປະເພດຟ້ອນດ່ຽວຍິງໃຫ້ກັບແຂວງອຸດົມໄຊ ເຈົ້າພາບ. ຂະນະທີ່ທ້າວຢຸດທະສິນ ພຸດທະຮັກສາ ຄວ້າຫຼຍນຄຳປະເພດຟ້ອນດ່ຽວຊາຍໃຫ້ແຂວງຫຼວງພະບາງໃນງານມະຫະກຳກິລາແຫ່ງຊາດຄັ້ງທີ Ⅹ ຫຼືອຸດົມໄຊເກມ ທີ່ຈະໄດ້ມີພິທີເປີດສາກຢ່າງເປັນທາງການລະຫວ່າງວັນທີ 13-21 ທັນວານີ້.
ເມື່ອວັນທີ 7 ທັນວາຜ່ານມາ ທີ່ສະໂມສອນພະແນກກະສິກຳ-ປ່າໄມ້ ແຂວງອຸດົມໄຊ ໄດ້ມີການແຂ່ງຂັນປັນຈັກສີລັດ ປະເພດຟ້ອນດ່ຽວຍິງແລະປະເພດຟ້ອນດ່ຽວຊາຍ ໃນງານມະຫະກຳກິລາແຫ່ງຊາດຄັ້ງທີ Ⅹ ຫຼຶຶອຸດົມໄຊເກມະ. ຜ່ານການແຂ່ງຂັນຜົນປາກົດວ່າປະເພດຟ້ອນດ່ຽວຍິງ ນາງສຸລິດາ ໄຊຍະລາດ ນັກກິລາຈາກແຂວງອຸດົມໄຊ ເຈົ້າພາບ ໂຊລີລາເຂົ້າຕາກຳມະການໄດ້ 154 ຄະແນນ ຄວ້າຫຼຍນຄຳປະເພດດ່ຽວກ່າວໄປຄອງ. ສ່ວນຫຼຍນເງິນຕົກເປັນຂອງນນາງລຸນນີ ເພັງພິພັກ ຈາກແຂວງສະຫວັນນະເຂດ ໄດ້ 148 ຄະແນນແລະຫຼຽນທອງ ແມ່ນນາງອະພິໂຍ ດວງມະນີ ຈາກແຂວງຫຼວງພະບາງ ໄດ້ 146 ຄະແນນ. ຂະນະທີ່ ປະເພດຟ້ອນດ່ຽວຊາຍຫຼຍນຄຳຕົກເປັນຂອງທ້າວຢຸດທະສິນ ພຸດທະຮັກສາ ຈາກແຂວງຫຼວງພະບາງ ໄດ້ 157 ຄະແນນ, ຫຼຍນເງິນຕົກເປັນຂອງທ້າຍສຸກສະຫວັນ ຈັນທິລາດ ຈາກກະຊວງປ້ອກັນຄວາມສະຫງົບ ໄດ້ 154 ຄະແນນແລະຫຼຍນທອງແມ່ນທ້າວປີຍະພົງ ຈາກກະຊວງປ້ອງກັນປະເທດໄດ້ 149 ຄະແນນ.
ສຳລັບການແຂ່ງຂັນມວຍປັນຈັກສີລັດແມ່ນຈະດຳເນີນໄປຈົນເຖິງວັນທີ 9 ທັນວານີ້ ຈົນຈະປິດລົງ, ໃນນີ້ ຈະມີການສືບຕໍ່ແຂ່ງຂັນໃນປະເພດຕໍ່ສູ້ປ້ອງກັນຕົວ 9 ຮຸ່ນ ປະກອບມີຮຸ່ນ 45 ກິໂລຊາຍ, 50 ກິໂລຊາຍ, 66 ກິໂລຊາຍ, 74 ກິໂລຊາຍ, 84 ກິໂລຊາຍ, 96 ກິໂລຊາຍ, 45 ກິໂລຍິງ, 50 ກິໂລຍິງ, 55 ກິໂລຍິງແລະ 60 ກິໂລຍິງ.
