ນັກກິລາກະຊວງປ້ອກງັນປະເທດ(ກອງທັບ) ໄດ້ຄອງເຈົ້າຫຼຽນຄຳກິລາປັນຈັກສີລັດໃນງານມະຫະກຳກິລາແຫ່ງຊາດຄັ້ງທີ Ⅹ ຫຼືອຸດົມໄຊເກມທີ່ຈະໄດ້ມີພິທີເປີດສາກຢ່າງເປັນທາງການລະຫວ່າງວັນທີ 13-21 ທັນວານີ້ ພາຍຫຼັງທີ່ຄວ້າມາໄດ້ເຖິງ 4 ຫຼຽນຄຳ. ສ່ວນກະຊວງປ້ອງກັນຄວາມສະຫງົບ ( ປກສ ) ຄວ້າ 3 ຫຼຽນຄຳໄປຄອງ.
ການແຂ່ງຂັນກິລາປັນຈັກສີລັດໃນງານມະຫະກຳກິລາແຫ່ງຊາດຄັ້ງທີ Ⅹ ຫຼືອຸດົມໄຊເກມໄດ້ປິດສາກລົງເປັນທີຮຽບຮ້ອຍແລ້ວໃນຕອນແລງວັນທີ 9 ທັນວາຜ່ານມາທີ່ສະໂມສອນພະແນກກະສິກຳ-ປ່າໄມ້ ແຂວງອຸດົມໄຊ ພາຍຫຼັງໄດ້ດຳເນີນມາແຕ່ວັນທີ 7 ທັນວາ 2014 ໂດຍໃຫ້ກຽດມອບລາງວັນຂອງທ່າຄຳຫຼ້າ ລີ້ງນະສອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງອຸດົມໄຊ, ທ່ານແສງພອນ ພົນອາມາດ ຫົວໜ້າກົມກິລາລະດັບສູງກະຊວງສຶກສາທິການແລະກິລາພ້ອມດ້ວຍຄະນະນຳທີ່ກ່ຽວຂ້ອງຂັ້ນສູນກາງແລະແຂວງເຂົ້າຮ່ວມ.
ສະເພາະການແຂ່ງຂັນປັນຈັກສີລັດຄັ້ງນີ້ ມີນັກກິລາຈາກ 8 ພາກສ່ວນເຂົ້າຮ່ວມຊິງໄຊໃນ 11 ລາຍການ. ຜ່ານການແຂ່ງຂັນປະກົດວ່າ, ກະຊວງປ້ອກງັນປະເທດໄດ້ຄອງເຈົ້າຫຼຍນຄຳໃນກິລາປະເພດດັ່ງກ່າວ ພາຍຫຼັງທີ່ຄວ້າມາໄດ້ເຖິງ 4 ຫຼຍນຄຳໃນປະເພດຕໍ່ສູ້ຮຸ່ນນ້ຳໜັກ 40-45 ກິໂລຍິງ, ຮຸ່ນນ້ຳໜັກ 55-60 ກິໂລຍິງ, ຮຸ່ນນ້ຳໜັກ 40-45 ກິໂລຊາຍແລະຮຸ່ນນ້ຳໜັກ 55-60 ກິໂລຊາຍ, ພ້ອມນີ້ ຍັງຄວ້າອີກ 1 ຫຼຽນເງິນຈາກປະເພດຕໍ່ສູ້ຮຸ່ນນ້ຳໜັກ 40-45 ກິໂລຊາຍແລະໄດ້ອີກ 4 ຫຼຽນທອງຈາກປະເພດຟ້ອນດ່ຽວຊາຍ, ຮຸ່ນນ້ຳໜັກ 50-55 ກິໂລຍິງ, ຮຸ່ນນ້ຳໜັກ 50-55 ກິໂລຊາຍແລະຮຸ່ນນ້ຳໜັກ 60-65 ກິໂລຊາຍ.
ຂະນະທີ່ກະຊວງປ້ອງກັນຄວາມສະຫງົບ ຄວ້າ 3 ຫຼຽນຄຳໄປຄອງຈາກປະເພດຕໍ່ສູ້ຮຸ່ນນ້ຳໜັກ50-55 ກິໂລຍິງ, ຮຸ່ນນ້ຳໜັກ 50-55 ກິໂລຊາຍແລະຮຸ່ນນ້ຳໜັກ 60-65 ກິໂລຊາຍ, ພ້ອມກັບຄວ້າອີກ 3 ຫຼຽນເງິນຈາກປະເດຟ້ອນດ່ຽວຊາຍ, ປະເພດຕໍ່ສູ້ປ້ອງກັນຕົວ ຮຸ່ນນ້ຳໜັກ 55-60 ກິໂລຍິງ, ຮຸ່ນນ້ຳໜັຜກ 55-60 ກິໂລຊາຍແລະອີກ 3 ຫຼຽນທອງຈາກປະເພດຕໍ່ສູ້ຮຸ່ນນ້ຳໜັກ 40-45 ກິໂລຍິງ, ຮຸ່ນນ້ຳໜັກ 40-45 ກິໂລຊາຍແລະ ຮຸ່ນນ້ຳໜັກ 45-50 ກິໂລຊາຍ.
ສຳລັບແຂວງບໍລິຄຳໄຊໄດ້ 2 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ, ແຂວງອຸດົມໄຊເຈົ້າພາບຄວ້າມາໄດ້ 1 ຫຼຽນຄຳ, 3 ຫຼຍນເງິນແລະ 1 ຫຼຽນທອງຫ ແຂວງຫຼວງພະຍາງຄວ້າໄດ້ 1 ຫຼຽນຄຳແລະ 3 ຫຼຽນທອງ; ແຂວງສະຫວັນນະເຂດໄດ້ 2 ຫຼຽນເງິນແລະ 2 ຫຼຽນທອງ, ນະຄອນຫຼວງວຽງຈັນໄດ້ 1 ຫຼຽນເງິນແລະ 5 ຫຼຽນທອງ, ແຂວງຈຳປາສັກໄດ້ 1 ຫຼຽນທອງ.