ກະຊວງປ້ອງກັນຄວາມສະຫງົບ (ປກສ) ຄວ້າ 3 ຫຼຽນຄຳ ປະເພດຊຸກນ້ຳໜັກຍິງ, ແລ່ນ 4x100 ແມັດຊາຍ ແລະ ຍ່າງ 5.000 ຊາຍ ພາຍຫຼັງກ່ອນໜ້ານີ້ ຄວ້າໄດ້ 1 ຫຼຽນຄຳ ຈາກປະເພດເຕັ້ນ 3 ກ້າວຊາຍ ໃນການແຂ່ງຂັນກິລາແລ່ນ—ລານ ງານມະຫາກຳກິລາແຫ່ງຊາດ ຄັ້ງທີ Ⅹ ຫຼື ອຸດົມໄຊ ເກມ ທີ່ຈະໄດ້ເປີດສາກຢ່າງເປັນທາງການ ລະຫວ່າງວັນທີ 13—21 ທັນວານີ້ ທີ່ແຂວງອຸດົມໄຊ.
ການແຂ່ງຂັນກິລາແລ່ນ—ລານ ງານມະຫາກຳກິລາແຫ່ງຊາດ ຄັ້ງທີ Ⅹ ຫຼື ອຸດົມໄຊ ເກມ ໄດ້ດຳເນີນມາເປັນມື້ທີ 3 ໃນວັນທີ 11 ທັນວາ ຜ່ານມາ ທີ່ສະໜາມກິລາແຂວງ ໂດຍມີການຊີງໄຊ 7 ລາຍການ ຜົນປາກົດວ່າ: ກະຊວງປ້ອງກັນຄວາມສະຫງົບ (ປກສ) ຄວ້າ 3 ຫຼຽນຄຳ ຈາກນາງ ສຸດພະສອນ ຜັນວາດວົງສຸກ ປະເພດຊຸກນ້ຳໜັກຍິງ, ທ້າວ ອັກສອນສາດ ລາດສະວົງ ທ້າວ ສາຍຝົນຫຼວງສຸລິນ ທ້າວສຸກສະຫວັນ ຕົ້ນສັກເທວາ ແລະ ທ້າວ ແສງເພັດ ພົມພັກດີ ປະເພດແລ່ນ 4x100 ຫຼວງສຸລິນ ທ້າວ ສຸກສະຫວັນ ຕົ້ນສັກເທວາ ແລະ ທ້າວ ແສງເພັດ ພົມພັກດີ ປະເພດແລ່ນ 4x100 ແມັດຊາຍ ແລະ ທ້າວ ບຸນຕ້ອມ ສິງລໍຄຳ ປະເພດຍ່າງ 5.000 ຊາຍ, ພ້ອມດຽວກັນນີ້ ຍັງໄດ້ອີກ 2 ຫຼຽນເງິນ ຈາກປະເພດແລ່ນ 4x100 ແມັດຍິງ ແລະ ປະເພດເຕັ້ນຍາວຊາຍ. ຂະນະທີ່ກ່ອນໜ້ານີ້ ຄວ້າໄດ້ 1 ຫຼຽນຄຳ ຈາກທ້າວ ດວງໃຈ ໄພມະນີ ປະເພດເຕັ້ນ 3 ກ້າວຊາຍ. ຂະນະທີ່ ກ່ອນໜ້ານີ້ ຄວ້າໄດ້ 1 ຫຼຽນຄຳ ຈາກທ້າວ ດວງໃຈ ໄພມະນີ ປະເພດເຕັ້ນ 3 ກ້າວ ແລະ 2 ຫຼຽນທອງ ຈາກປະເພດເຕັ້ນ 3 ກ້າວຊາຍ ແລະ ແລ່ນ 100 ແມັດຍິງຂ້າມຮົ້ວ.
ສ່ວນ ນະຄອນຫຼວງວຽງຈັນ ຄວ້າໄດ້ອີກ 2 ຫຼວງຄຳປະເພດ ແລ່ນ 4x100 ແມັດຍິງ, ແລ່ນ 3.000 ແມັດຍິງ, 1 ຫຼຽນເງິນ ຈາກປະເພດຊຸກນ້ຳໜັກຍິງ ແລະ 1 ຫຼຽນທອງ ຈາກປະເພດຊຸກນ້ຳໜັກຍິງ, ກະຊວງປ້ອງກັນປະເທດ ໄດ້ 1 ຫຼຽນຄຳ ປະເພດເຕັ້ນຍາວຊາຍ ແລະ ກະຊວງພະລັງງານ—ບໍ່ແຮ່ ໄດ້ 1 ຫຼຽນຄຳ ຈາກປະເພດເຕັ້ນຍາວຍິງ ແລະ 1 ຫຼຽນເງິນ ປະເພດ ແລ່ນ 4x100 ແມັດຊາຍ, ແຂວງສະຫວັນນະເຂດ ໄດ້ 1 ຫຼຽນເງິນ ຈາກປະເພດຍ່າງ 5.000 ຊາຍ, 4 ຫຼຽນທອງຈາກປະເພດ ແລ່ນ 4x100 ແມັດຊາຍ, ປະເພດຍ່າງ 5.000 ຊາຍ, ແລ່ນ 4x100 ແມັດຍິງ ແລະ ປະເພດເຕັ້ນຍາວຍິງ, ແຂວງໄຊຍະບູລີ ໄດ້ 1 ຫຼຽນເງິນ ຈາກແລ່ນ 3.000 ແມັດຍິງ, ກະຊວງປ້ອງກັນປະເທດໄດ້ 1 ຫຼຽນເງິນ ຈາກປະເພດເຕັ້ນຍິງ, ແຂວງວຽງຈັນ ໄດ້ 1 ຫຼຽນທອງ ຈາກປະເພດແລ່ນ 3.000 ແມັດຍິງ, ກະຊວງສາທາລະນະສຸກ ໄດ້ 1 ຫຼຽນເງິນ ຈາກປະເພດເຕັ້ນຍາວຊາຍ.
ຂະນະທີ່ຜົນການແຂ່ງຂັນອີກ 6 ລາຍການ ໃນຕອນແລງວັນທີ 10 ທັນວາ 2014 ປາກົດວ່າ: ແລ່ນ 200 ແມັດຍິງ ຫຼຽນຄຳແມ່ນ ນະຄອນຫຼວງວຽງຈັນ, ຫຼຽນເງິນ ແມ່ນຈຳປາສັກ ແລະ ຫຼຽນທອງແມ່ນກະຊວງປ້ອງກັນຄວາມສະຫງົບ, ແລ່ນ 200 ແມັດຊາຍ ຫຼຽນຄຳ ແມ່ນກະຊວງພະລັງງານ—ບໍ່ແຮ່, ຫຼຽນເງິນ ແມ່ນກະຊວງປ້ອງກັນຄວາມສະຫງົບ ແລະ ຫຼຽນທອງ ແມ່ນກະຊວງປ້ອງກັນຄວາມສະຫງົບ, ແລ່ນ 1.500 ແມັດຍິງ ຫຼຽນຄຳ ແມ່ນນະຄອນຫຼວງວຽງຈັນ, ຫຼຽນເງິນ ແມ່ນ ຈຳປາສັກ ແລະ ຫຼຽນທອງ ແມ່ນຊຽງຂວາງ, ແລ່ນ 1.500 ແມັດຊາຍ ຫຼຽນຄຳ ແມ່ນແຂວງວຽງຈັນ, ຫຼຽນເງິນແມ່ນແຂວງຫຼວງພະບາງ ແລະ ຫຼຽນທອງ ແມ່ນກະຊວງປ້ອງກັນປະເທດ, ແລ່ນ 400 ແມັດຂ້າມຮົ້ວຍິງຫຼຽນຄຳ ແມ່ນນະຄອນຫຼວງວຽງຈັນ, ຫຼຽນເງິນ ແມ່ນສະຫວັນນະເຂດ ແລະ ຫຼຽນທອງ ແມ່ນນະຄອນຫຼວງວຽງຈັນ ແລະ ແລ່ນ 400 ແມັດຂ້າມຮົ້ວຊາຍ ຫຼຽນຄຳ ແມ່ນນະຄອນຫຼວງວຽງຈັນ, ຫຼຽນເງິນ ແມ່ນກະຊວງປ້ອງກັນປະເທດ ແລະຫຼຽນທອງ ແມ່ນ ກະຊວງພະລັງງານ—ບໍ່ແຮ່.
ສຳລັບ ການແຂ່ງຂັນກິລາແລ່ນ—ລານ ຈະໄດ້ດຳເນີນໄປຈົນເຖິງວັນທີ 14 ທັນວານີ້ ແລະ ໃນວັນທີ 12 ທັນວາ ກໍ່ມີ ການຊີງຫຼຽນຄຳ 3 ລາຍການ ປະກອບມີ ຊຸກນ້ຳໜັກຊາຍ, ແລ່ນ 5.000 ຊາຍ ແລະ ເຕັ້ນສູງຍິງ.