ແຂວງຈຳປາສັກໄດ້ຄອງເຈົ້າຫຼຽນຄຳ ລິກາຊ່ວງເຮືອ ໃນງານມະຫາກຳກິລາແຫ່ງຊາດຄັ້ງທີ ⅹ ຫຼືອຸດົມໄຊ ເກມ ທີ່ຈະໄດ້ມີພິທີເປີດສາກຢ່າງເປັນທາງການ ລະຫວ່າງວັນທີ 13-21 ທັນວານີ້ ພາຍຫຼັງທີ່ຄວ້າມາໄດ້ເຖິງ 3 ຫຼຽນຄຳ. ສ່ວນແຂວງບໍລິຄຳໄຊ ຄວ້າ 2 ຫຼຽນຄຳໄປຄອງ
ການແຂ່ງຂັນລິກາຊ່ວງເຮືອ ໃນງານມະຫາກຳລິກາແຫ່ງຊາດຄັ້ງທີ ⅹ ຫຼື ອຸດົມໄຊ ເກມ ໄດ້ປິດສາກລົງເປັນທີ່ຮຽບຮ້ອຍແລ້ວ ໃນຕອນແລງວັນທີ 7 ທັນວາ ຜ່ານມາທີ່ອ່າງນ້ຳຫີນ ແຂວງອຸດົມໄຊພາຍຫຼັງໄດ້ດຳເນີນມາແຕ່ວັນທີ 4 ທັນວາ 2014 ໂດຍໃຫ້ກຽດມອບລາງວັນຂອງທ່ານຄຳຫຼ້າ ລີ້ງນະສອນ ກຳມະການສູນກາງພັກ, ເວລາພັກແຂວງ, ເຈົ້າແຂວງອຸດົມໄຊ, ທ່ານແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມດ້ວຍຄະນະນຳທີ່ກ່ຽວຂ້ອງຂັ້ນສູງກາງ ແລະ ແຂວງເຂົ້າຮ່ວມ.
ສະເພາະກິລາຊ່ວງເຮືອ ໃນງານຄັ້ງນີ້ມີການຊີງໄຊກັນທັງໝົດ 8 ຫຼຽນຄຳ, ໃນນີ້ ແຂວງຈຳປາສັກ ສາມາດຄວ້າມາໄດ້ 3 ຫຼຽນຄຳ ປະເພດ 12 ສີພາຍຍິງ ໄລຍະ 1,000 ແມັດ, 22 ສີພາຍຍິງ ໄລຍະ 500 ແມັດ ແລະ 12 ສີພາຍຍິງ ໄລຍະ 500 ແມັດ, ພ້ອມນີ້, ຍັງໄດ້ອີກ 1 ຫຼຽນເງິນ ປະເພດ 22 ສີພາຍຍິງໄລຍະ 1,000 ແມັດ. ສ່ວນແຂວງບໍລິຄຳໄຊຄວ້າມາໄດ້ 2 ຫຼຽນຄຳປະເພດ 22 ສີພາຍຊາຍ ໄລຍະ 1,000 ແມັດ ແລະ 22 ສີພາຍຊາຍ ໄລຍະ 500 ແມັດ, ພ້ອມກັບ 1 ຫຼຽນທອງປະເພດ 12 ສີພາຍຊາຍໄລຍະ 500 ແມັດ, ກະຊວງ ປກສ ໄດ້ 1 ຫຼຽນຄຳຈາກປະເພດ 22 ສີພາຍຍິງ ໄລຍະ1,000 ແມັດ, ພ້ອມກັບ 1 ຫຼຽນເງິນ ປະເພດ 12 ສີພາຍຍິງ ໄລຍະ 500 ແມັດ ແລະ 2 ຫຼຽນທອງ ປະເພດ 12 ສີພາຍຍິງ 1,000 ແມັດ ແລະ 22 ສີພາຍຍິງ 500 ແມັດ, ແຂວງຫຼວງພະບາງໄດ້ 1 ຫຼຽນຄຳ ປະເພດ 12 ສີພາຍຊາຍ 500 ແມັດ, ພ້ອມກັບ 1 ຫຼຽນເງິນຈາກປະເພດ 22 ສີພາຍຊາຍໄລຍະ 500 ແມັດ, ແຂວງຄຳມ່ວນໄດ້ 1 ຫຼຽນຄຳຈາກປະເພດ 12 ສີພາຍຊາຍໄລຍະ 1,000 ແມັດ ແລະ 1 ຫຼຽນທອງຈາກປະເພດ 22 ສີພາຍຊາຍໄລຍະ 1,000 ແມັດ, ແຂວງວຽງຈັນໄດ້ 2 ຫຼຽນເງິນຈາກປະເພດ 22 ສີພາຍຍິງໄລຍະ 500 ແມັດ ແລະ 12 ສີພາຍຍິງໄລຍະ 1,000 ແມັດ, ພ້ອມກັບ 2 ຫຼຽນທອງຈາກປະເພດ 22 ສີພາຍຍິງ ໄລຍະ 1,000 ແມັດ ແລະ 12 ສີພາຍຍິງໄລຍະ 500 ແມັດ.
ສ່ວນນະຄອນຫຼວງວຽງຈັນໄດ້ 1 ຫຼຽນເງິນຈາກປະເພດ 12 ສີພາຍຊາຍ ໄລຍະ 1,000 ແມັດ, ແຂວງໄຊຍະບູລີໄດ້ 1 ຫຼຽນເງິນຈາກປະເພດ 12 ສີພາຍຊາຍໄລຍະ 500 ແມັດ, ແຂວງຜົ້ງສາລີ ໄດ້ 1 ຫຼຽນເງິນຈາກປະເພດ 22 ສີພາຍຊາຍໄລຍະ 1,000 ແມັດ ແລະ ເຈົ້າພາບໄດ້ 1 ຫຼຽນທອງຈາກປະເພດ 22 ສີພາຍຊາຍ 500 ແມັດ.
