ທ່ານປະທານສີຈິ້ນຜິງ: ພະຍາຍາມເດີນຕາມເສັ້ນທາງຄວາມໝັ້ນຄົງຂອງອາຊີທີ່ຮ່ວມກັນກໍ່ສ້າງ, ຮ່ວມກັນຊົມໃຊ້ແລະໄດ້ຮັບຜົນປະໂຫຍດຮ່ວມກັນ
2015-03-28 14:52:56 cri
ວັນທີ 28 ມີນານີ້ ຢູ່ທີ່ເມືອງໂປອາວ ຂອງແຂວງໄຫຫຼຳຈີນ, ທ່ານສີຈິ້ນຜິງ ປະທານປະເທດຈີນກ່າວວ່າ, ການເດີນໄປສູ່ປະຊາຄົມຮ່ວມຊະຕາກຳຕ້ອງຍຶດໝັ້ນໃຫ້ບັນລຸຄວາມມັ້ນຄົງແບບຮ່ວມກັນ, ສັງລວມ, ມີການຮ່ວມມືແລະແບບຍືນຍົງ. ຕ້ອງປະຖິ້ມແນວຄິດສົງຄາມເຢັນ, ປະດິດສ້າງແນວຄິດດ້ານຄວາມໝັ້ນຄົງ, ພະຍາຍາມເດີນຕາມເສັ້ນທາງຄວາມໝັ້ນຄົງຂອງອາຊີທີ່ຮ່ວມກັນກໍ່ສ້າງ, ຮ່ວມກັນຊົມໃຊ້ແລະໄດ້ຮັບຜົນປະໂຫຍດຮ່ວມກັນ.
ເວລາກ່າວປາຖະກະຖາໃນພິທີໄຂກອງປະຊຸມປະຈຳປີ 2015 ຂອງເວທີປຶກສາຫາລືອາຊີໂປອາວໃນວັນທີ 28 ມີນານີ້ ທ່ານສີຈິ້ນຜິງ ກ່າວວ່າ, ໃນໂລກສູ່ມື້ນີ້ ບໍ່ມີປະເທດໃດສາມາດບັນລຸຄວາມປອດໄພຂອງຕົນເອງໂດຍຫຼຸດພົ້ນອອກຈາກຄວາມປອດໄພຂອງໂລກ, ແລະກໍບໍ່ມີຄວາມປອດໄພທີ່ສ້າງຂຶ້ນບົນພື້ນຖານຄວາມບໍ່ປອດໄພຂອງປະເທດອື່ນໆໃນໂລກ.
ທ່ານກ່າວວ່າ, ຕ້ອງຜ່ານການເຈລະຈາແລະຮ່ວມມືກັນຊຸກຍູ້ຄວາມໝັ້ນຄົງຂອງປະເທດຕ່າງໆແລະພາກພື້ນແຫ່ງນີ້, ສະແຫວງຫາສັນຕິພາບແລະຊຸກຍູ້ຄວາມໝັ້ນຄົງດ້ວຍການຮ່ວມມື, ຍຶດໝັ້ນໃຫ້ແກ້ໄຂຄວາມຂັດແຍ່ງກັນດ້ວຍສັນຕິວິທີ, ຄັດຄ້ານການນຳໃຊ້ກຳລັງອາວຸດຫຼືຂົ່ມຂູ່ດ້ວຍກຳລັງອາວຸດ. ຕ້ອງຍຶດໝັ້ນຖືການພັດທະນາກັບຄວາມໝັ້ນຄົງໄວ້ຢູ່ໃນຖານະສຳຄັນເຊັ່ນກັນ, ຊຸກຍູ້ຄວາມໝັ້ນຄົງແບບຍືນຍົງດ້ວຍການພັດທະນາຢ່າງຕໍ່ເນື່ອງກັນ. ປະເທດອາຊີຕ້ອງເພີ່ມທະວີການຮ່ວມມືກັບປະເທດທີ່ຢູ່ເຂດແຄວ້ນອື່ນໆແລະອົງການຈັດຕັ້ງທີ່ກ່ຽວຂ້ອງຕ່າງໆ, ຍິນດີຕ້ອນຮັບບັນດາຝ່າຍເສີມຂະຫຍາຍບົດບາດທີ່ມີລັກສະນະສ້າງສັນເຂົ້າໃນການພັດທະນາແລະຄວາມໝັ້ນຄົງຂອງອາຊີ.