ວັນທີ16ທັນວານີ້, ໃນເວລາໃຫ້ສຳພາດຕໍ່ນັກຂ່າວCRIຢູ່ເຮືອນພັກເອກອັກຄະລັດຖະທູດຢູ່ນະຄອນຫຼວງຈາກາຕາຂອງອິນໂດເນເຊຍ, ທ່ານສີປູ້, ເອກອັກຄະລັດຖະທູດຈີນປະຈຳອາຊຽນກ່າວວ່າ, ຂໍອວຍພອນໃຫ້ງານຮ້ອງເພງເພື່ອມິດຕະພາບຈີນ-ອາຊຽນປີ2015ຈົ່ງດຳເນີນໄປດ້ວຍດີ, ແລະຫວັງວ່າການແລກປ່ຽນວັດທະນະທຳລະຫວ່າງຈີນກັບອາຊຽນຈະເພີ່ມທະວີຄວາມເຂົ້າໃຈແລະຄວາມຮັບຮູ້ຮ່ວມໃນລະຫວ່າງພາກພື້ນ.
ທ່ານສີປູ້ກ່າວວ່າ, ໃນຊຸມປີມໍ່ໆມານີ້, ພວກເຮົາພວມເລັ່ງລັດການກໍ່ສ້າງ"ເສັ້ນທາງສາຍໄໝທາງທະເລສະຕະວັດທີ21", ສາຍພົວພັນຈີນ-ອາຊຽນມີທ່າອ່ຽງພັດທະນາທີ່ດີ.ປີ2016, ປີທີ່ຈີນກັບອາຊຽນສ້າງສາຍພົວພັນຄູ່ສົນທະນາຄົບຮອບ25ປີ,ຈີນຍິນດີສືບຕໍ່ທຳຄວາມພະຍາຍາມຮ່ວມກັບເພື່ອນມິດໃນປະເທດອາຊຽນ, ສ້າງອະນາຄົດທີ່ດີງາມກວ່າເກົ່າໃຫ້ແກ່ພາກພື້ນກໍ່ຄືປະຊາຊົນໃນພາກພື້ນນີ້.
ທ່ານກ່າວຕື່ມອີກວ່າ, ດົນຕີເປັນພາສາຮ່ວມຂອງໂລກ, ໃນຖານະເປັນເອກອັກຄະລັດຖະທູດຈີນປະຈຳອາຊຽນ,ທ່ານຮູ້ສຶກດີໃຈທີ່ໃນຕອນຄ່ຳມື້ນີ້, ຈະມີນັກສິລະປິນແລະນັກຮ້ອງຫຼາຍທ່ານຂອງຈີນແລະບັນດາປະເທດອາຊຽນທີ່ເປັນຜູ້ຕາງໜ້າໃຫ້ແກ່ປະເທດຂອງຕົນມາ,ສະແດງຄວາມອຸດົມສົມບູນແລະຄວາມຫຼາກຫຼາຍດ້ານວັດທະນະທຳຂອງຈີນແລະວັດທະນະທຳຢູ່ເທິງເວທີຂອງຈີນ, ນີ້ກໍ່ເປັນໂອກາດທີ່ດີສຳລັບພວກເຮົາໃນແງ່ການຖອດຖອນບົດຮຽນເຊິ່ງກັນແລະກັນ,ຮັບຮູ້ວັດທະນະນຳແລະວັນນະຄະດີເຊິ່ງກັນແລະກັນ.
 |
