ສິງກະໂປແລະຈີນມີການພົວພັນທາງການຄ້າທີ່ແໜ້ນແຟ້ນ ສື່ມວນຊົນແລະນັກວິຊາການສິງກະໂປໄດ້ຕີລາຄາສູງຕໍ່ການພັດທະນາເສດຖະກິດຂອງຈີນມາໂດຍຕະຫຼອດ ໂດຍເຫັນວ່າເນື່ອງຈາກການນຳພາທີ່ສະຫຼາດສ່ອງໃສຂອງພັກກອມມູນິດຈີນທີ່ເປັນພັກກຳອຳນາດນັ້ນ ໄດ້ເຮັດໃຫ້ເສດຖະກິດຈີນມີການພັດທະນາຢ່າງຟົດຟື້ນຄືດັ່ງປັດຈຸບັນ.
ທ່ານໂຄຈິນຢີ ຫົວໜ້າສະຖາບັນຄົ້ນຄວ້າການພັດທະນາແລະຍຸດທະສາດລອງກຸສ ເຊິ່ງເປັນອົງການຫົວກະທິທີ່ມີຊື່ສຽງຂອງສິງກະໂປ ເຫັນວ່າ, ພັກກອມມູນິດຈີນໃນຖານະເປັນພັກກຳອຳນາດ ແມ່ນຜູ້ນຳພາແລະວາງແນວທາງພັດທະນາເສດຖະກິດຂອງຈີນ ແລະກໍແມ່ນຜູ້ຈັດສັນຊັບພະຍາກອນເສດຖະກິດ. ທ່ານເຕີ້ງສຽວຜິງ ໄດ້ສະເໜີທັດສະນະທີ່ເຮັດໃຫ້ຄົນຈຳນວນໜຶ່ງຮັ່ງມີຂຶ້ນກ່ອນນັ້ນ ໄດ້ມີບົດບາດອັນເລິກເຊິ່ງຕໍ່ເສດຖະກິດຈີນ. ການທີ່ພັກກອມມູນິດຈີນວາງແນວທາງພັດທະນາເສດຖະກິດຈີນນັ້ນຍັງສະແດງໃຫ້ເຫັນເຖິງການສ້າງລະບົບເສດຖະກິດ ຕາມບັນທັດຖານຈາກລະບອບເສດຖະກິດທີ່ນັບມື້ນັບສົມບູນຂຶ້ນ ແລະການພັດທະນາຢ່າງວ່ອງໄວຂອງເສດຖະກິດຈີນ ໄດ້ສົ່ງຜົນໃຫ້ຊີວິດການເປັນຢູ່ຂອງປະຊາຊົນຈີນດີຂຶ້ນຄູ່ກັນ.
ແນວໃດກໍດີ, ນັກວິຊາການສິງກະໂປຊີ້ວ່າ, ນະໂຍບາຍໃໝ່ຈະຕ້ອງໄດ້ຮັບການຜັນຂະຫຍາຍຢ່າງເຖິງຖອງ ແລະນີ້ກໍແມ່ນສິ່ງສຳຄັນໃນການແກ້ໄຂບັນຫາເສດຖະກິດແລະພັດທະນາຂອງຈີນ. ເສດຖະກິດແມ່ນໜຶ່ງໃນຫົວຂໍ້ທີ່ສຳຄັນໃນສາຍພົວພັນລະຫວ່າງສິງກະໂປ-ຈີນ ເຊິ່ງນັກວິຊາການສິງກະໂປຢືນຢັນວ່າພັກກອມມູນິດຈີນໄດ້ນຳພາເສດຖະກິດປະເທດຕົນ ແລະເປັນທີ່ໜ້າຕິດຕາມຕໍ່ການພັດທະນາເສດຖະກິດຈີນຢ່າງຕໍ່ເນື່ອງ.
