ຄຳຂວັນທີ່ວ່າ "ໂຄ່ນລົ້ມເຈົ້າທີ່ດິນ,ແບ່ງປັນທີ່ດິນປູກຝັງ" ເຊິ່ງຂຽນໂດຍທະຫານແດງພາຍຫຼັງກອງທະຫານແດງສູນກາງພັກກອມມູນິດຈີນຢຶດເມືອງຈ່າງໂຈ່ວໄດ້ຫຼັງຊະນະສັດຕູໃນປີ 1932.
ຜົນສຳເລັດທີ່ໜ້າສັນລະເສີນຂອງພັກກອມມູນິດຈີນນັບແຕ່ມື້ສ້າງຕັ້ງຂຶ້ນຈົນມາຮອດປັດຈຸບັນ, ລ້ວນແຕ່ມາຈາກຄຳຂວັນ "ໂຄ່ນລົ້ມເຈົ້າທີ່ດິນ,ແບ່ງປັນທີ່ດິນປູກຝັງ"ລວມເຖິງ "ຢຸດຕິສົງຄາມກາງເມືອງ,ເປັນເອກະສັນກັນຕໍ່ຕ້ານສັດຕູພາຍນອກ";ຈາກ "ບໍ່ເຫັນແກ່ຜົນປະໂຫຍດແຕ່ຢ່າງໃດ, ເຮັດແຕ່ສິ່ງທີ່ເປັນຜົນປະໂຫຍດໃຫ້ທຸກຄົນເທົ່ານັ້ນ"ແລະ"ຮັບໃຊ້ປະຊາຊົນ"; ຈາກ "ປົດປ່ອຍແນວຄິດ,ສະແຫວງຫາສັດຈະທຳຈາກຄວາມຈິງ"ເຖິງການ "ຖືຄົນເປັນຫຼັກ" ເຊິ່ງຄຳຂວັນແລະທັດສະນະຄະຕິເຫຼົ່ານີ້ໄດ້ສ່ອງແສງເຖິງຄວາມພະຍາຍາມສຶກສາຄົ້ນຄວ້າຕາມສະໄໝແລະສະແດງໃຫ້ເຫັນເຖິງຄວາມສູ້ຊົນພະຍາຍາມໄປຕາມທິດ. ການຖື "ຮັບໃຊ້ປະຊາຊົນ"ເປັນຈຸດປະສົງພື້ນຖານ, ເຮັດໃຫ້ພັກກອມມູນິດຈີນສາມາດຜ່ານຜ່າຄວາມຫຍຸ້ງຍາກແລະຄວາມຜິດພາດຕ່າງໆນາໆໄດ້ແລະຍ້ອນມີຄວາມສາມາດລະດົມຂົນຂວາຍແລະເຕົ້າໂຮມຄວາມສາມັກ ຄີເປັນຈິດໜຶ່ງໃຈດຽວຂອງປະຊາຊົນຢ່າງແຂງແຮງ, ສາມັກຄີແລະນຳພາປະຊາຊົນທົ່ວປະເທດຈິ່ງຍາດໄດ້ໄຊຊະນະຕະຫຼອດມາ.
