ຕອນບ່າຍວັນທີ 8 ກັນຍານີ້ ຢູ່ທຳນຽບປະທານປະເທດ ສປປ ລາວນະຄອນຫຼວງວຽງຈັນ, ທ່ານບຸນຍັງ ວໍລະຈິດ ເລຂາທິການໃຫຍ່
ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ສປປ ລາວ ໄດ້ຕ້ອນຮັບກາາເຂົ້າຢ້ຽມຄຳນັບຂອງທ່ານຫຼີ
ເຄີ້ສຽງ ນາຍົກລັດຖະມົນຕີຈີນ.
ໃນການຢ້ຽມຢາມຄຳນັບທ່ານຫຼີເຄີ້ສຽງ ໄດ້ສົ່ງຄຳຢື້ຢາມຖາມຂ່າວທີ່ອົບອຸ່ນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດ
ຈີນ ປະທານປະເທດ ສປ ຈີນໄປຍັງທ່ານບຸນຍັງ ວໍລະຈິດ. ທ່ານຫຼີເຄີ້ສຽງ ກ່າວວ່າ, ຈີນ ແລະລາວໄດ້ເຄົາລົບເຊິ່ງກັນແລະກັນ, ຢູ່
ຮ່ວມກັນຢ່າງສະເໝີພາບແລະຕ່າງຊ່ວຍຊູຍູ້ໜູນກັນຕະຫຼອດມາ. ຈີນຊົມເຊີຍລາວທີ່ປະສົບຜົນສຳເລັດໃນການປະຕິບັດພາລະກິດປ່ຽນ
ແປງໃໝ່ຢ່າງໃຫຍ່ຫຼວງກວ່າເກົ່າ. ທັງຍິນດີຮ່ວມກັບ ລາວ ເສີມຂະຫຍາຍມິດຕະພາບອັນເປັນມູນເຊື້ອ, ເພີ່ມທະວີການໄປມາຫາສູ່ກັນ
ໃນລະດັບສູງ ແລະການແລກປ່ຽນບົດຮຽນໃນການປົກຄອງປະເທດ, ລົງເລິກການຮ່ວມມືຢ່າງຕິດແທດຕົວຈິງ, ຊຸກຍູ້ການພົວພັນລະ
ຫວ່າງສອງປະເທດຂະຫຍາຍ ຕົວຢ່າງປອດໃຫ້ໃສ ຍາວນານ ແລະໝັ້ນຄົງ.
ທ່ານຫຼີເຄີ້ສຽງກ່າວຕື່ມວ່າ, ຈີນແລະລາວກຳລັງຢູ່ໃນໂອກາດໃໝ່ໃນການລົງເລິກການຮ່ວມມື. ເຊິ່ງຈີນຍິນດີຮ່ວມກັບລາວ ເພື່ອເຮັດ
ໃຫ້ຜົນປະໂຫຍດຂອງສອງຝ່າຍເຊື່ອມໂຍງເຂົ້າກັນ, ທັງເຮັດໃຫ້ການ ຮ່ວມມືໃນທຸກຂົງເຂດແໜ້ນແຟ້ນຕື່ມອີກ, ໂດຍສະເພາະແມ່ນ
ການເພີ່ມຂີດຄວາມສາມາດ ໃນການຜະລິດ ແລະການລົງທຶນ, ຊຸກຍູ້ໂຄງການກໍ່ສ້າງຂະໜາດໃຫຍ່ຕ່າງໆເຊັ່ນ: ທາງລົດໄຟຈີນ
－ລາວ, ການສ້າງເຂດເສດຖະກິດ ແລະການກໍ່ສ້າງຂະແໜງພະລັງງານໄຟຟ້ານ້ຳຕົກເປັນຕົ້ນໃຫ້ກ້າວ ໜ້າຢ່າງໜັກແໜ້ນ, ເພື່ອ
ບັນລຸການໄດ້ຮັບຜົນປະໂຫຍດຮ່ວມກັນ. ນອກນີ້ ຍັງຈະຊຸກຍູ້ການຈັດກິດຈະກຳ ຕ່າງໆເພື່ອສະເຫຼີມສະຫຼອງການສ້າງຕັ້ງສາຍພົວ
ພັນທາງການທູດລະຫວ່າງຈີນ－ລາວຄົບຮອບ 55 ປີໃຫ້ມີບັນຍາກາດຄຶກຄື້ນ, ເພີ່ມທະວີການແລກປ່ຽນແລະຮ່ວມມືກັນໃນຂົງເຂດ
ການສຶກສາ, ການທ່ອງທ່ຽວແລະການພົວພັນຮ່ວມມືໃນລະດັບທ້ອງຖີ່ນ.
ທ່ານບຸນຍັງ ວໍລະຈິດ ກ່າວວ່າ, ການຢ້ຽມຢາມ ສປປ ລາວຂອງທ່ານນາຍົກລັດຖະມົນຕີຫຼີເຄີ້ສຽງໃນຄັ້ງນີ້ ຈະເປັນການເພີ່ມພະລັງ
ຊີວິດຊີວາອັນໃໝ່ໃຫ້ແກ່ການເສີມສ້າງ ມິດຕະພາບອັນເປັນມູນເຊື້ອ ແລະຊຸກຍູ້ການຮ່ວມມືຍຸດທະສາດຮອບດ້ານລະຫວ່າງສອງປະ
ເທດ. ລາວ－ຈີນມີມິດຕະພາບທີ່ເປັນມູນເຊື້ອມາແຕ່ດົນນານ, ມີການໄປມາຫາສູ່ກັນໃນທຸກລະດັບຢ່າງແໜ້ນແຟ້ນ, ການຮ່ວມມືໃນ
ຂົງເຂດຕ່າງໆເຊັ່ນ: ເສດຖະກິດ, ວັດທະນະທຳ, ຊັບພະຍາກອນມະນຸດ ແລະການປ້ອງກັນປະເທດລ້ວນແຕ່ດຳເນີນໄປຢ່າງສະດວກ.
ໂຄງການສຳຄັນຕ່າງໆເຊັ່ນ: ທາງລົດໄຟ, ການບິນອະວະກາດແລະອື່ນໆລ້ວນແຕ່ມີຄວາມໝາຍທາງປະຫວັດສາດ. ຂອບໃຈສປ ຈີນ
ທີ່ໄດ້ ສະໜັບສະໜູນຢ່າງລ້ຳຄ່າເຮັດໃຫ້ປະເທດລາວປະສົບຜົນສຳເລັດໃນການຈັດກອງປະຊຸມ. ສປປ ລາວ ຍຶດໝັ້ນ "4 ດີ"
ເພື່ອຊຸກຍູ້ໃຫ້ການພົວພັນຄູ່ຮ່ວມມືຍຶດທະສາດຮອບດ້ານລາວ－ຈີນກ້າວ ໜ້າ.
