ຕອນເຊົ້າວັນທີ 8 ມີນານີ້, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງໄປເຂົ້າຮ່ວມໜ່ວຍຄົ້ນຄວ້າຂອງຄະນະຜູ້ແທນກວາງຊີໃນໂອກາດດຳເນີນກອງປະຊຸມຄັ້ງທີ 5 ຂອງສະພາຜູ້ແທນປະຊາຊົນແຫ່ງຊາດຈີນສະໄໝທີ 12 ແລະຮ່ວມຄົ້ນຄວ້າບົດລາຍງານກັບຜູ້ຕາງໜ້າຄະນະຜູ້ແທນດັ່ງກ່າວ.
ຫຼັງຮັບຟັງຄຳຄິດເຫັນຂອງຜູ້ແທນແລ້ວ, ທ່ານ ຫຼີເຄີ້ສຽງ ໄດ້ກ່າວວ່າ: ໜ້າທີ່ການພັດທະນາແລະປະຕິຮູບໃນປີນີ້ຕ້ອງໜັກແໜ້ນ, ຕ້ອງອາໄສການປະຕິຮູບແລະການໄຂປະຕູໃນການເພີ່ມທະວີທ່າແຮງການພັດທະນາ. ຂະນະດຽວກັນກໍລົງເລິກການປະຕິຮູບໂດຍ "ການມອບສິດອຳນາດໃຫ້ແກ່ທ້ອງຖິ່ນ ປະສານສົມທົບການມອບສິດອຳນາດກັບການຄຸ້ມຄອງແລະປັບປຸງການບໍລິການໃຫ້ດີຂຶ້ນ", ກະຈາຍອຳນາດໃຫ້ທ້ອງຖິ່ນ ເພື່ອຄຸ້ມຄອງວຽກງານໜ້າທີ່ຂອງຕົນໃຫ້ດີ.
"ການຕິດຕາມຄຸ້ມຄອງກໍແມ່ນການປະຕິຮູບເຊິ່ງລັດຖະບານໄດ້ປ່ອຍໃຫ້ໄປຕາມກົນໄກຕະຫຼາດ ຈຶ່ງຈະສາມາດຄຸ້ມຄອງການປະຕິບັດໜ້າທີ່ຢູ່ພາຍໃຕ້ການຄວບຄຸມທີ່ດີ."
ທ່ານ ຫຼີເຄີ້ສຽງ ກ່າວຕໍ່ຄະນະຜູ້ແທນກວາງຊີໃນວັນທີ 8 ມີນານີ້ວ່າ: "ຕະຫຼາດ ຕ້ອງການສ້າງສະພາບແວດລ້ອມຄວາມຂັດແຍ້ງກັນທີ່ຍຸຕິທຳ,ຖ້າລັດຖະບານປັບປຸງພາລະບົດບາດກໍຄວນສົນໃຈຕໍ່ການຕິດຕາມຄຸ້ມຄອງໃຫ້ຫຼາຍຂຶ້ນ ແລະໃນສ່ວນມະຫາພາກບໍ່ພຽງແຕ່ຮູ້ພິຈາລະນາອະນຸມັດເທົ່ານັ້ນກໍຕ້ອງຮູ້ຕິດຕາມແລະຄຸ້ມຄອງຕື່ມອີກ."
