ຕອນເຊົ້າວັນທີ12ມີນານີ້, ກອງປະຊຸມຄັ້ງທີ5ສະໄໝທີ12ຂອງສະພາຜູ້ແທນປະຊາຊົນແຫ່ງຊາດຈີນໄດ້ຮັບຟັງແລະພິຈາລະນາບົດລາຍງານວຽກງານອງສານປະຊາຊົນສູງສຸດ.
ທ່ານໂຈ່ວຊຽງ,ຜູ້ວ່າການສານປະຊາຊົນສູງສຸດຈີນໄດ້ລາຍງານວຽກງານປະຕິບັດໜ້າທີ່ຂອງສານປະຊາຊົນສູງສຸດຈີນໃນປີ2016, ຄື: ໜຶ່ງ, ຈັດຕັ້ງປະຕິບັດທັດສະນະຄວາມໝັ້ນຄົງແຫ່ງຊາດໂດຍລວມ, ລົງໂທດການກະທຳຜິດກົດໝາຍ,ປົກປ້ອງສິດທິມະນຸດ;ສອງ, ຈັດຕັ້ງປະຕິບັດທັດສະນະພັດທະນາແບບໃໝ່, ຮັບໃຊ້ແລະຮັບປະກັນເສດຖະກິດສັງຄົມພັດທະນາຢ່າງຕໍ່ເນື່ອງແລະປອດໄສ;ສາມ, ປະຕິບັດຕາມແນວຄິດການພັດທະນາທີ່ຖືປະຊາຊົນເປັນແກນກາງ,ຮັບປະກັນສິດແລະຜົນປະໂຫຍດຂອງປະຊາຊົນຢ່າງແທ້ຈິງ; ສີ່,ຍຶດໝັ້ນຄຸ້ມຄອງສານປະຊາຊົນຢ່າງເຂັ້ມງວດ, ສ້າງຖັນແຖວພະນັກງານສານປະຊາຊົນທີ່ຊື່ສັດບໍລິສຸດ; ຫ້າ, ເປັນເຈົ້າການຍອມຮັບການຕິດຕາມ,ຊຸກຍູ້ການດຳເນີນວຽກງານຕຸລາການເພື່ອປະຊາຊົນຢ່າງມີຄວາມຍຸຕິທຳ.
ທ່ານໂຈ່ວຊຽງຍັງໄດ້ລາຍງານແຜນການວຽກງານ2017ໃນ5ດ້ານ, ຄື: ໜຶ່ງ,ເສີມຂະຫຍາຍບົດບາດການພິພາກສາຢ່າງເຕັມສ່ວນ, ຮັກສາຄວາມໝັ້ນຄົງແລະຊຸກຍູ້ການພັທດະນາ;ສອງ,ຍຶດໝັ້ນປະຕິບັດວຽກງານຕຸລາການເພື່ອປະຊາຊົນ, ຕອບສະໜອງກັບຄວາມຕ້ອງການດ້ານຕຸລາການຂອງປະຊາຊົນທີ່ຫັນເປັນຫຼາຍເຄົ້າ;ສາມ,ຍຶດໝັ້ນຊຸກຍູ້ການປະຕິຮູບດ້ານຕຸລາການ, ເລັ່ງລັດສ້າງລະບຽບການຕຸລາການສັງຄົມນິຍົມທີ່ຍຸຕິທຳ,ມີປະສິດທິພາບສູງແລະມີຄວາມໜ້າເຊື່ອຖືສູງ; ສີ່, ເລັ່ງລັດສ້າງສານທີ່ມີສະຕິປັນຍາສູງ, ພະຍາຍາມສະໜອງການບໍລິການດ້ານຕຸລາການທີ່ມີຄຸນນະພາບດີກວ່າເກົ່າ; ຫ້າ, ຍຶດໝັ້ນຄຸ້ມຄອງສານປະຊາຊົນຢ່າງເຂັ້ມງວດ,ສ້າງພື້ນຖານໃນຂັ້ນຮາກຖານຢ່າງໜັກແໜ້ນ, ສ້າງຖັນແຖວພະນັກງານທີ່ເຂັ້ມແຂງ.
