ງານຮ້ອງເພງມິດຕະພາບຈີນ-ອາຊຽນແມ່ນກິດຈະກຳແລກປ່ຽນດົນຕີຂ້າມຊາດທີ່ວິທະຍຸສາກົນແຫ່ງປະເທດຈີນຫຼື CRI ຮ່ວມກັບສື່ມວນຊົນຈີນແລະສື່ມວນຊົນ 10 ປະເທດອາຊຽນຈັດຂຶ້ນ. ງານຮ້ອງເພງດັ່ງກ່າວຈະຈັດຂຶ້ນປີລະເທື່ອ, ໂດຍການເຊື້ອເຊີນນັກຮ້ອງຈີນແລະ10ປະເທດອາຊຽນທີ່ມີຊື່ສຽງມາຮ້ອງເພງຮ່ວມກັນ, ຮູ້ຈັກໝູ່ເພື່ອນແລະແລກປ່ຽນໂດຍຜ່ານການຮ້ອງເພງ, ຮ່ວມກັນສ້າງຄວາມປອງດອງກົມກຽວແລະມິດຕະພາບຂອງພາກພື້ນ.
ງານຮ້ອງເພງມິດຕະພາບຈີນ-ອາຊຽນໄດ້ຮັບການຕອບຄືນແລະສະໜັບສະໜູນ ຢ່າງກວ້າງຂວາງຈາກພາກສ່ວນຖະແຫຼງຂ່າວ, ວັດທະນະທຳແລະສື່ມວນຊົນຕົ້ນຕໍຂອງຈີນແລະປະເທດອາຊຽນ, ຝ່າຍຮ່ວມມືຕ່າງປະເທດລວມທັງສະຖານີວິທະຍຸໂທລະພາບບຣູໄນ, ສະຖານີໂທລະພາບແຫ່ງຊາດກຳປູເຈຍ, ສະຖານີໂທລະພາບອິນໂດນເຊຍ, ສະຖານີໂທລະພາບແຫ່ງຊາດລາວ, ສະຖານີວິທະຍຸໂທລະພາບແຫ່ງຊາດມາເລເຊຍ, ສະຖານີວິທະຍຸໂທລະພາບແຫ່ງຊາດມຽນມາ, ສະຖານີໂທລະພາບແຫ່ງຊາດຟີລິບປີນ, ໜັງສືພິມລຽນເຫີຈ້າວປ້າວຂອງສິງກະໂປ, ວິທະຍຸກະຈາຍສຽງແຫ່ງຊາດໄທ, ສະຖານີໂທລະພາບຫວຽດນາມແລະອື່ນໆ. ສື່ມວນຊົນຮ່ວມມືຈີນລວມທັງສະຖານີໂທລະພາບກວາງຊີ, ສະຖານີວິທະຍຸໂທລະພາບໄຫຫຼຳ, ວິທະຍຸກະຈາຍສຽງເຈີ້ໂຈ່ວແລະອື່ນໆ.
ງານຮ້ອງເພງມິດຕະພາບຈີນ-ອາຊຽນຄັ້ງປະຖົມມະເລີກ
ວັນທີ 16 ທັນວາປີ 2015, ງານຮ້ອງເພງມິດຕະພາບຈີນ-ອາຊຽນຄັ້ງທຳອິດໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ. ໂດຍມີທູຕານຸທູດຈາກ 10 ປະເທດອາຊຽນປະຈຳຈີນແລະຜູ້ຕາງໜ້າສື່ມວນຊົນຂອງ 10 ປະເທດອາຊຽນເຂົ້າຮ່ວມ. ທ່ານຊູປູ້ ເອກອັກຄະລັດຖະທູດຈີນປະຈຳອາຊຽນ, ທ່ານຢູຊຸຟ ຮາບິບິ, ອະດີດປະທານາທິບໍດີອິນໂດເນເຊຍໄດ້ສົ່ງວິດີໂອອວຍພອນ.
ງານຮ້ອງເພງມິດຕະພາບຈີນ-ອາຊຽນຄັ້ງທີສອງ
ງານຮ້ອງເພງມິດຕະພາບຈີນ-ອາຊຽນຄັ້ງທີສອງໄດ້ຈັດຂຶ້ນຢູ່ນະຄອນໄຫໂຂວແຂວງໄຫຫຼຳປະເທດຈີນໃນວັນທີ 14 ຕຸລາປີ 2016. ຜູ້ຕາງໜ້າສື່ມວນຊົນຈີນແລະຕ່າງປະເທດ, ປະຊາຊົນປະມານ 2000 ຄົນເຂົ້າຮ່ວມຊົມ. ງານຮ້ອງເພງຄັ້ງນີ້ໄດ້ເນັ້ນຫົວຂໍ້ "ຄວາມຮັກແລະມິດຕະພາບ", ຖືດົນຕີເປັນສາຍພານ, ເພື່ອຊຸກຍູ້ການແລກປ່ຽນວັດທະນະທຳລະຫວ່າງຈີນກັບບັນດາປະເທດອາຊຽນ.
ງານຮ້ອງເພງມິດຕະພາບຈີນ-ອາຊຽນຄັ້ງທີ 3 ນີ້ຈະຈັດຂຶ້ນຢູ່ສູນວາງສະແດງສາກົນເຈິ້ງໂຈ່ວແຂວງເຫີນານໃນວັນທີ 8 ທັນວານີ້ເວລາ 19 ໂມງ 30 ນາທີ. ໂດຍນັກຮ້ອງ 10 ປະເທດອາຊຽນຈະຮ່ວມພະລັງກັນອີກເທື່ອໜຶ່ງຢູ່ເວທີຂອງຈີນ, ຮ້ອງເພງສຽງປະສານຂອງພາກພື້ນໃນຍຸກໃໝ່.
ຮອດເວລານັ້ນ, ງານຮ້ອງເພງຄັ້ງນີ້ຈະຖ່າຍທອດສົດທາງອິນເຕີເນັດ. ຢ່າລືມຕິດຕາມເບິ່ງກັນເດີ.
 |
