ກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ຈະໄຂຂຶ້ນໃນວັນທີ 5 ມີນາໜ້ານີ້ ແລະກອງປະຊຸມເທື່ອທຳອິດຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 13 ຈະໄຂຂຶ້ນໃນວັນທີ 3 ມີນາໜ້ານີ້ເຊັ່ນກັນ. ວັນທີ 27 ກຸມພານີ້, ສູນຂ່າວກອງປະຊຸມສອງສະພາທີ່ຕັ້ງຢູ່ໂຮງແຮມມີເດຍປັກກິ່ງໄດ້ເປີດນຳໃຊ້ຢ່າງເປັນທາງການເພື່ອອຳນວຍຄວາມສະດວກໃຫ້ແກ່ນັກຂ່າວທັງພາຍໃນແລະຕ່າງປະເທດທີ່ມາຮ່ວມລາຍງານຂ່າວ ກອງປະຊຸມສອງສະພາດັ່ງກ່າວ.
ທ່ານເຮີຊາວເຢິນ ຫົວໜ້າພະແນກຖະແຫຼງຂ່າວຫ້ອງວ່າການຄະນະກຳມະການປະຈຳສະພາປະຊາຊົນແຫ່ງຊາດຈີນໄດ້ໃຫ້ສຳພາດຕໍ່ນັກຂ່າວCRIວ່າ: ສູນຂ່າວໄດ້ຮັບຂໍ້ມູນສະໝັກຂອງນັກຂ່າວຈີນແລະຕ່າງປະເທດ 3000 ກວ່າຄົນແລະກຳລັງອອກບັດນັກຂ່າວໃຫ້ເຂົາເຈົ້າຢູ່. ນອກນີ້, ເພື່ອສ່ອງແສງໃຫ້ເຫັນເຖິງຄວາມຄິດຄວາມເຫັນຂອງບັນດາຜູ້ແທນສະພາປະຊາຊົນຢ່າງເຕັມສ່ວນ, ກອງປະຊຸມປີນີ້ຍັງຈະໃຫ້ມີເຂດສຳພາດຜູ້ແທນເປັນເທື່ອທຳອິດອີກດ້ວຍ.
