ຕາມຂ່າວ CRI: ຕົວເລກທີ່ອົງການພາສີແຫ່ງຊາດຈີນເປີດເຜີຍໃນວັນທີ 13 ເມສານີ້ໃຫ້ຮູ້ວ່າ, ຍອດມູນຄ່າຂາເຂົ້າຂາອອກດ້ານສິນຄ້າທີ່ມີຕົນໂຕຂອງຈີນໃນໄຕມາດທີໜຶ່ງທຽບໃສ່ໄລຍະດຽວກັນເພີ່ມຂຶ້ນ 9,4%.
ທ່ານຫວງຊົ້ງຜິງ ໂຄສົກອົງການດ່ານພາສີແຫ່ງຊາດຈີນກ່າວວ່າ, ໃນໄຕມາດທີໜຶ່ງ, ເສດຖະກິດຈີນໄດ້ມີທ່າພັດທະນາເປັນຢ່າງດີໃນສະພາບທີ່ມີຄວາມໝັ້ນທ່ຽງ, ສົ່ງຜົນເຮັດໃຫ້ຄວາມຕ້ອງການນຳເຂົ້າຂອງຈີນເພີ່ມຂຶ້ນ, ການນຳເຂົ້ານ້ຳມັນດິບ, ອາຍແກັສທຳມະຊາດ, ທອງແລະເຄື່ອງອຸປະໂພກບໍລິໂພກມີທ່າກ່ຽງເພີ່ມຂຶ້ນ. ໃນໄຕມາດທີໜຶ່ງ, ຈັງຫວະການເຕີບໂຕການນຳເຂົ້າສິນຄ້າສູງກວ່າການສົ່ງອອກ 4,3%, ການໄດ້ປຽບດຸນການຄ້າໄດ້ຫຼຸດລົງ 21,8%, ການນຳເຂົ້າແລະການສົ່ງອອກມີທ່າອ່ຽງດຸນດ່ຽງກັນ.
ທ່ານຫວງຊົ້ງຜິງ ກ່າວຕື່ມວ່າ, ໃນໄຕມາດທີໜຶ່ງປີນີ້, ການຂາເຂົ້າຂາອອກລະຫວ່າງຈີນກັບຄູ່ການຄ້າໃຫຍ່ອັນດັບໜຶ່ງຫາອັນດັບສາມໄດ້ສືບຕໍ່ເພີ່ມຂຶ້ນ, ສຳລັບການຄ້າລະຫວ່າງຈີນແລະປະເທດລຽບຕາມ "ໜຶ່ງແລວໜຶ່ງເສັ້ນທາງ" ຈຳນວນໜຶ່ງໄດ້ເພີ່ມຂຶ້ນດີສົມຄວນ. ຜະລິດຕະພັນເຄື່ອງຈັກແລະໄຟຟ້າ, ຜະລິດຕະພັນທີ່ໃຊ້ແຮງງານຫຼາຍໃນການຜະລິດຍັງເປັນສິນຄ້າສົ່ງອອກຕົ້ນຕໍຂອງຈີນ.