ເມືອງນີງໂປ່ແມ່ນອູ່ເຂົ້າອູ່ນ້ຳຢູ່ພາກໃຕ້ຂອງຈີນ, ທັງແມ່ນເມືອງທ່າກຳປັ່ນຂອງຈີນ, ແມ່ນປາກຄອງນ້ຳເຂົ້າສູ່ທະເລໃຕ້ສຸດຂອງຈີນ, ແລະແມ່ນທ່າກຳປັ່ນເລິ່ມຕົ້ນຂອງ "ເສັ້ນທາງສາຍໄໝທາງທະເລ".
ເມືອງນີງໂປ່ມີປະຫວັດສາດອັນຍາວນານ. ໃນ 7 ພັນປີກ່ອນ, ກໍ່ມີບັນພະບູລຸດຈີນດຳລົງຊີວິດຢູ່ແຫ່ງນີ້ ເຊິ່ງໄດ້ສ້າງວັດທະນະທຳເຮີມູຕູ້ອັນຈະເລີນຮຸ່ງເຮືອງ. ຄຽງຄູ່ກັບການພັດທະນາຂອງຍຸກສະໄໝ, ອາຫານຂອງນີງໂປ່ກໍຄ່ອຍໆມີຫຼາຍຢ່າງຫຼາຍແນວຂຶ້ນ. ອາຫານນີງໂປ່ມີຊື່ສຽງຍ້ອນລົດເຄັມ, ສົດ ແລະ ເໝັນ. ອາຫານນີງໂປ່ຍັງມີຊື່ວ່າ "ອາຫານຢົງປ່າງ", ມີຊື່ສຽງໃນການປຸ່ງແຕ່ງອາຫານທະເລ, ທັງສົດ ທັງເຄັມ, ຕົ້ນຕໍໃຊ້ວິທີໜຶ້ງ, ປີ້ງ ແລະ ຕົ້ມ, ອາຫານເຫຼົ່ານີ້ທັງສົດ, ທັງອ່ອນ, ທັງໄດ້ຮັກສາລົດຊາດເດີມຂອງວັດຖຸທີ່ໃຊ້ມາປຸງແຕ່ງອາຫານ ແລະມີສີເຂັ້ມສົມຄວນ ຕົວຢ່າງຄື ຈືນປາດຸກນາເຫືຼອງຫຸ້ມດ້ວຍແຜ່ນເຕົ້າຮູ້, ຂົ້ວຜັກກາດກອງ ແລະໜໍ່ໄມ້ສົດທັງແຊບທັງລາຄາຖືກ. ຊາວນີງໂປ່ມັກໄປກິນອາຫານຢູ່ແຖວເສິງຮວງມ້ຽວ ເຊິ່ງເປັນຖະໜົນທີ່ມີຄົນຫຼາຍ ທັງມີສີສັນພິເສດ, ເຂົ້າໜົມພັນຊັ້ນ, ກະລະເປົາໄສ້ຊີ້ນປູ, ຈືນກ້ຽວແລະເຂົ້າປຸ້ນ ເຂົ້າໜົມບົວລອຍຍັດໄສ້ນ້ຳມັນໝູ ແລະອື່ນໆລ້ວນແຕ່ແມ່ນອາຫານທີ່ປະຊາຊົນມັກກິນຫຼາຍທີ່ສຸດ.
