ເມືອງຊູ່ໂຈ່ວຕັ້ງຢູ່ພາກຕາເວັນອອກ ເຊິ່ງເປັນເຂດທີ່ອຸດົມຮັ່ງມີຂອງຈີນ, ເມືອງຊູ່ໂຈ່ວມີສວນທີ່ມີເອກະລັກພິເສດຢ່າງຫຼວງຫຼາຍ, ສະນັ້ນຈິ່ງໄດ້ຂະໜານນາມວ່າ "ເມືອງສວນຂອງຈີນ", "ສະຫວັນເມືອງຄົນ" ແລະ "ເວນິສຕາເວັນອອກ", ສ່ວນ " ຊີວິດການເປັນຢູ່ແບບຊູ່ໂຈວ່" ແລະ "ອາຫານຊູ່ໂຈ່ວ" ທີ່ປານີດນັ້ນກໍ່ຍິງເຮັດໃຫ້ຄົນທັງຫຼາຍຍ້ອງຍໍຊົມເຊີຍ.
ເມືອງຊູ່ໂຈ່ວແມ່ນສູນວັດທະນະທຳດ້ານອາຫານຢູ່ພາກຕາເວັນອອກຂອງຈີນ, ແມ່ນບ່ອນກຳເນີດຂອງວັດທະນະທຳອາຫານແບບຊູ່ໂຈ່ວ ເຊິ່ງເປັນໜຶ່ງໃນວັດທະນະທຳອາຫານ 3 ຢ່າງຂອງຈີນ. ຈຸດພິເສດຂອງອາຫານຊູ່ໂຈ່ວແມ່ນ, ອາຫານບໍ່ເຄັມບໍ່ຈື່ດ, ທັງສົດທັງອ່ອນ, ໄດ້ຮັກສາລົດຊາດເດີມຂອງວັດຖຸທີ່ເອົາມາປຸງແຕ່ງອາຫານ, ມີນ້ຳເຂັ້ມຂຸ້ນແຕ່ບໍ່ມີໄຂມັນຫຼາຍເກີນໄປ, ລົດຊາດບໍ່ປຸກ, ແຕ່ເຄັມໜ້ອຍໜຶ່ງ, ໃນລົດເຄັມນັ້ນຍັງມີລົດຫວານ. ໃນເວລາປຸງແຕ່ງຈະເລືອກວັດຖຸຢ່າງພິຖີພິຖັນ, ເອົາໃຈໃສ່ຕໍ່ສີສັນ, ຮູບຊົງ ເຊິ່ງແຕ່ລະລະດູການກໍມີຄວາມແຕກຕ່າງກັນ. ອາຫານຊູ່ໂຈ່ວທີ່ມີຊື່ສຽງມີ ຈືນປາມານດາຣິນ(mandarin)ຮູບກະຮອດ, ຂົ້ວຊີ້ນປູຫິມະໃສ່ອອງປູ, ຂົ້ວກຸ້ງໃສ່ຊາປີ້ໂລຊຸ່ນ, ກ້ອນຊີ້ນໝູລົດຫວານ ແລະນ້ຳແກງຜັກສົດໜອງໄທ້ຮູເປັນຕົ້ນ.
