ນະຄອນໄທ້ຢວນແມ່ນໜຶ່ງໃນຕົວເມືອງທີ່ມີໂຄງການມໍລະດົກວັດທະນະທຳຫຼາຍທີ່ສຸດຂອງຈີນ. ຍ້ອນວ່າດິນຟ້າອາກາດ, ອົງປະກອບດິນ, ເງື່ອນໄຂດຳລົງຊີວິດ ແລະ ເຄື່ອງປ່າຂອງດົງທີ່ແຕກຕ່າງກັນ, ຈິ່ງເຮັດໃຫ້ນະຄອນໄທ້ຢວນມີອາຫານກິນຫຼິ້ນທີ່ມີສີສັນພິເສດຫຼາຍຢ່າງຫຼາຍແນວ. ນະຄອນໄທ້ຢວນແມ່ນ "ເມືອງໝີ່" ທີ່ມີຊື່ສຽງໂດ່ງດັງໃນໂລກ, ພຽງຮູບຊົງຂອງໝີ່ກໍ່ມີຮ້ອຍກວ່າຊະນິດ, ມີໝີ່ດຶງ, ໝີ່ຕັດ ແລະ ໝີ່ຖອນເປັນຕົ້ນ, ສ່ວນໃນດ້ານວິທີປຸງແຕ່ງແລ້ວ ກໍມີໜຶ້ງ, ຕົ້ມແລະຂົ້ວ; ສ່ວນນ້ຳແກງໃສ່ໝີກໍ່ຍິ່ງລະອຽດປານີດ.
ເມື່ອເວົ້າເຖິງໄທ້ຢວນ, ທີ່ລືມບໍ່ໄດ້ແນ່ນອນກໍ່ແມ່ນນ້ຳສົ້ມ, ນະຄອນໄທ້ຢວນມີປະຫວັດສາດອັນຍາວນານໃນການເຮັດນ້ຳສົ້ມ, "ນ້ຳສົ້ມເກົ່າ"ມີກິ່ນຫອມ ແລະ ລົດແຊບຕາມຫຼັງອັນພິເສດ, ສາມາດເວົ້າໄດ້ວ່າແມ່ນນ້ຳສົ້ມທີ່ດີທີ່ສຸດຂອງຈີນ. ອາຫານກິນຫຼິ້ນຂອງນະຄອນໄທ້ຢວນມີ: ນ້ຳແກງເຄື່ອງໃນແກະກັບເສັ້ນລ້ອນ, ຂົ້ວຊີ້ນໝູໃສ່ນ້ຳມັນໝູ, ຕົ້ມຜັກແລະໝູຂອງເມືອງອູຈ້າຍເປັນຕົ້ນ.
