ເມືອງອີ໋ຊ່າງແມ່ນຕົວເມືອງແຫ່ງເສັ້ນທາງຄົມທະນາຄົມອັນສຳຄັນຢູ່ພາກກາງຂອງຈີນ. ມີພູສູງ ແລະ ທົ່ງພຽງປະສົມປະສານກັນ, ສິ່ງແວດລ້ອມທຳມະຊາດ ແລະ ທີ່ຕັ້ງອັນພິເສດເຮັດໃຫ້ວັດທະນະທຳອາຫານຂອງເມືອງອີ໋ຊ່າງໄດ້ມີສີສັນພິເສດຂອງຕົນ.
ລົດຊາດຂອງອາຫານອີ໋ຊ່າງທັງມີລົດຂື່ນ, ລົດເຜັດ ແລະ ທັງຮ້ອນຄືອາຫານເສສວນ ແລະ ອາຫານຈຸ່ງກິ່ງ, ທັງມີລົດຫວານ, ລົດຈືດ ແລະ ລົດຄາວທີ່ເປັນສີສັນພິເສດຂອງອາຫານອູຮ້ານ, ທັງມີປູປາ ແລະ ກຸ້ງນ້ຳຈືດ ທັງມີເຄື່ອງປ່າຂອງດົງເທິງພູດອຍ, ທັງສາມາດກິນງານລ້ຽງທີ່ມີສີສັນຂອງ 3 ຮ່ອມພູ ຢູ່ໃນໂຮງແຮມ ທັງສາມາດກິນຂະໜົມຢູ່ຮ້ານອາຫານນ້ອຍໆຢູ່ຕາມຖະໜົນຫົນທາງ. ລົດຊາດຂອງອາຫານອີ໋ຊ່າງຕົ້ນຕໍແມ່ນ "ລົດເດີມຂອງວັດຖຸປຸງແຕ່ງອາຫານ, ເຄັມແລະສົດ, ອ່າວເຜັດ", ມີສີສັນພິເສດທ້ອງຖິ່ນຫຼາຍ. ງານລ້ຽງ "ເກົ້າຖ້ວຍເກົ່າ" ມີສີສັນພິເສດທ້ອງຖິ່ນທີ່ສຸດ, ໃນງານລ້ຽງປະກອບດ້ວຍອາຫານເກົ້າເຍື່ອງ ເຊັ່ນ ລູກຊີ້ນປາ, ຂົ້ວໜໍ່ໄມ້ແລະປາມຶກ, ຕົ້ມກະເພາະແລະໝູມັນ, ຕົ້ມໄກ່ນ້ອຍໃສ່ເຫັດຫອມ ແລະ ລູກຊີ້ນໄຂ່ມຸກເປັນຕົ້ນ, ລ້ວນແຕ່ໃສ່ຢູ່ໃນຖ້ວຍໃຫຍ່, ເມື່ອຈັດວາງໂຕະແລ້ວຮູ້ສຶກວ່າ ມີບັນຍາກາດຊົນນະບົດອັນເຂັ້ມຂຸ້ນ.
ອາຫານທີ່ມີຊື່ສຽງຂອງອີ໋ຊ່າງມີ, ໜຶ້ງປາຕຸ້ຍກັບໝູມັນ, ນ້ຳແກງໄຂ່ມຸກປາກຮ່ອມພູ, ຕົ້ມອ່ຽນລະດັບເທບ,ຕົ້ມໄກ່ເທວະດາ ແລະອື່ນໆ, ເມື່ອທ່ານໄປຮອດເມືອງອີ໋ຊ່າງຢາລືມຊິມເບິ່ງ.
