ເມືອງເຕ້ຈິວເປັນບ້ານເກີດຂອງຊາວຈີນຕ່າງດ້າວທີ່ມີຊື່ສຽງຂອງຈີນ, ກໍເປັນບ້ານເກີດຂອງອາຫານເຕ້ຈິວ. ອາຫານເຕ້ຈິວຂຶ້ນຊື່ລືນາມຍ້ອນການປຸງແຕ່ງອາຫານທະເລ ເຊິ່ງຈະເລືອກເອົາວັດຖຸດິບທີ່ດີ, ວິທີປຸງແຕ່ງກໍລະອຽດພິຖີພິຖັນ, ອາຫານຈາງແຕ່ບໍ່ຈືດ, ສົດແຕ່ບໍ່ຄາວ, ມັນແຕ່ບໍ່ມັນໂພດ. ຈຸດພິເສດອີກຢ່າງໜຶ່ງຂອງອາຫານເຕ້ຈິວແມ່ນຊ່າງປຸງແຕ່ງອາຫານຈຳພວກຜັກແລະໝາກໄມ້, ມີວິທີປຸງແຕ່ງຫຼາຍຢ່າງໄດ້ເຮັດໃຫ້ມີເອກະລັກພິເສດຂອງອາຫານເຕ້ຈິວ. ອົບປີງທະເລ, ລວກຫອຍທະເລ ລ້ວນແຕ່ເປັນອາຫານທີ່ມີຊື່ສຽງຂອງອາຫານເຕ້ຈິວ. ນອກນີ້, ອາຫານເຕ້ຈິວກໍມີອາຫານກິນຫຼິ້ນຫຼາຍຢ່າງຫຼາຍແນວ, ເຊິ່ງລວມທັງລູກຊີ້ນງົວເຕ້ຈິວ, ເຕົ້າຮູ້ແຫ້ງກູ່ຊູ່ແລະອື່ນໆ.
